Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

Feijóo espera

Poblicado o por
Resposta

Os traballadores de Megasa queren ser recibidos polo Presidente de Galicia e non por capricho. Foi el quen abanderou a defensa daquela multinacional afincada na mariña lucense. Atravesou o Atlántico para ir falar cos propietarios e obrigou ao Ministro de Industria a modificar as bonificacións da chamada interrumpibilidade eléctrica.

Mais, esqueceron ter unha visión global e facendo oídos xordos ás alarmas da Comisión Nacional da Enerxía, sobre os riscos de provocar situacións de discriminación e competencia desigual, provocáronlle a Megasa e aos seus traballadores un grave problema.

Di o Conselleiro de Industria que están facendo xestións para restituír o dano causado. Aquí, tamén é necesario o compromiso explícito do Presidente. Para reforzar a presión sobre o Goberno de España e para tranquilizar ás familias. Pero, Feijóo espera… a que escampe.

Enlace a @DiarioFerrol.

Entrevista do Comité de Megasa e Alcaldes co Conselleiro de Industria

Poblicado o por
Resposta
Entrevista Comité Megasa e Alcaldes co Conselleiro de Industria.

Entrevista Comité Megasa e Alcaldes co Conselleiro de Industria.

Nota do Comité de Empresa de Megasa Siderúrxica S.L.

Unha delegación deste Comité, acompañados pola Comisión de Alcaldes acudiu onte á chamada do Conselleiro de Industria da Xunta de Galicia, Sr. Francisco Conde.

Os traballadores de Megasa seguirán coas mobilizacións, unha vez que aínda non temos constatado unha solución definitiva, en defensa dos nosos empregos.

No día de onte, unha delegación do Comité de Empresa, acompañados pola Comisión de Alcaldes de Ferrolterra, Eume e Ortegal (que neste caso, estaban representados polos Alcaldes de Ares, Ferrol, Narón e S. Sadurniño), estivemos reunidos co Sr. Conselleiro de Industria e Enerxía da Xunta de Galicia, Sr. Francisco Conde; ao cal agradecemos o feito de ser convocados por el; así tamén, o noso agradecemento aos respectivos alcaldes que nos acompañaron.

O motivo da xuntanza, en San Caetano, foi coñecer as xestións que dende a Xunta están a desenvolver, en relación coa problemática de competencia desigual creada pola recente orde do Ministerio de Industria sobre a interrumpibilidade, e que dá vantaxes nas bonificacións da tarifa eléctrica a un competidor directo da empresa Megasa.

Este Comité de Empresa quere manifestar:

  1. Que sigue á espera de concretar unha xuntanza co Sr. Presidente da Xunta de Galicia, Alberto Núñez Feijóo. Entendemos que precisamente a situación que estamos a padecer, require precisamente dunha intervención directa do Sr. Presidente, tendo en conta o seu peso específico dentro do PP e a súa liña directa co Sr. Ministro Soria e o Sr. Presidente Mariano Rajoy.

  2. Este Comité de Empresa foi informado polo Sr. Conselleiro da existencia dunhas alegacións da Xunta ante o Ministerio de Industria e que “coñeceremos unha vez sexan publicadas pola Comisión Nacional da Enerxía”; así como da esixencia da Xunta para que dentro do mesmo sector siderúrxico todos “teñamos as mesmas normas de xogo”. Descoñecemos, polo tanto, como vaise concretar realmente estas dúas cuestións esenciais, alén das propias palabras do Sr. Conselleiro.

  3. Aínda así, entendemos que vanse a manter a discriminación ao apostar, tanto a Xunta como o propio Ministerio de Industria, por dous escalóns de acceso ao servizo da interrumpibilidade: o de 5 e o de 90 megawatios. Trasládamoslle ao Sr. Conselleiro as nosas inquedanzas de que ao final non haxa igualdade real ao manterse estes dous escalóns; así como as nosas críticas ás rixideces actuais para o seu acceso.

  4. Evidentemente, mentres non estemos na final do problema os traballadores e familias de Megasa seguiremos coas mobilizacións, conscientes da importancia de manter viva a presión sobre os políticos do Partido Popular. Eles causaron o problema, e eles o teñen que solucionar.

 En Narón, a 20 de setembro de 2013.

Comité de Empresa de Megasa Siderúrxica S.L.

Meninas

Poblicado o por
Resposta

“As Meninas” por Leandro Lamas

A imaxinación e a capacidade de Eduardo Hermida, expresada este sábado no barrio de Canido, deixa ás claras que hai outra forma de sentir, facer e construír Ferrol en positivo. Ser capaz de unir un centenar e medio de pintores e músicos, a toda a veciñanza, así como ao sector hosteleiro; co que en principio é un formato e unha idea sinxela, como a figura das Meninas, é salientable.

Este feito ten moitas lecturas. Dende a propia sociedade civil que reocupa o seu espazo vital, dende a arte comprometida ata a reinterpretación propia e moderna dun Velázquez universal (e a partir de agora cun inegable selo galego). Pero, tamén da interacción entre culturas que viven xuntas e mistúranse, reiventándose mutuamente.

Se alquén quería dar títulos de galeguismo ou tutelar o xeito de sentir un barrio, dicir cómo hai que vivir; este día todo Canido e un artista galego como Hermida, acompañado por amigos como Leandro Lamas, amosaron publicamente que este é o tempo das xentes e da vida que abre todas as fiestras á alegría. Parabéns Eduardo.

Enlace web ao @DiarioFerrol

De Festas

Poblicado o por
Resposta

Noria_OGrove2013

Foi no twitter onde, na tarde do sábado, entereime de que se caía o escenario habilitado para as festas de Ferrol, do das dúas grúas para mantelo en pé, e de que dicíase da concelleira responsable que non se esperaba que se fixera cargo das súas obrigas, porque estaba de vacacións.

Tamén, fun testemuña de como as atraccións situadas no porto estaban baleiras o venres á noite. Moitos, dos seus donos, optaron simplemente por apagalas. As familias que por alí andábamos contábanse cos dedos dunha man.

Si a esto unimos as polémicas, polas novas obras da Praza de España e da contratación das festas, podemos aventurar que teremos moito de que falar cando fagamos balance. Seguro que esta curiosa xestión das festas e algunha que outra incidencia máis, darán aínda moitos twits.

Un apunte. Eu tamén boto en falta músicas das nosas xentes, desta terra e deste tempo.

Enlace a Diario de Ferrol.

A Industria

Poblicado o por
Resposta

O Concello de Narón, a iniciativa dos traballadores de Megasa, vai convocar aos alcaldes de Ferrolterra, Eume e Ortegal. A defensa da industria e a ter un futuro digno na nosa terra, son as raíces da convocatoria.

Hai boas palabras e ningunha solución por parte do PP. Os seus cargos públicos locais deben tomar partido fronte a desfeita dun PP de Aznar-Rajoy, que nada ten do vello modelo interclasista de Fraga.

Tamén, hai malestar cos propietarios de Megasa. Os traballadores botan en falta un claro apoio público en defensa da fábrica naronesa; resulta moi cómodo deixar facer e xogar con cartas marcadas.

A escusa, unha reforma tarifaria do ministro Soria que lastra a competitividade da industria española, froito do dogma do austericidio e da usura recaudatoria das grandes empresas eléctricas e dos seus cómplices, os bancos. Outra política é posible.

Enlace web a @DiarioFerrol