Arquivo por etiquetas: @JoseManuelRey

O convenio de Rey Varela

Poblicado o por
Resposta

Cando un problema leva trinta anos sen solución, igual debéramos pensar que xa toca. Que seguir mareando a buxaina abonda e, que incluso, é mellor un acordo que non satisfaga a todos, pero que resolva dunha vez o asunto. Xa non estamos en tempo de tormentas de ideas, máis cando todos os partidos pasaron polos diversos gobernos locais de Ferrol. Seguir danzando co mesmo é sinónimo de incapacidade, cando menos para o conxunto da cidadanía.

Por iso, acerta o alcalde Ángel Mato cando non lle cambia nin unha coma ao famoso “Convenio de Defensa”, asumindo o que deixara feito o líder da oposición José Manuel Rey Varela. Si, os tempos son chegados. E, por estas cousas raras que ten a política local, a cidadanía está a espera de que este último asuma a súa responsabilidade para darlle xa un final a unha necesidade estratéxica de Ferrol de reordenar o centro da cidade, por estar por medio o “Sánchez Aguilera”.

O líder da oposición, máis atento á vindeira cita electoral e preso dun PP galego sen xefe tras a marcha de Feijoo, terá moito que contarlle ás ferrolás e ferroláns. Na memoria a perda que el provocou de case dous millóns de euros para remodelar a primeira milla da Estrada de Castela. E agora?

https://www.diariodeferrol.com/articulo/opinion/convenio-rey-varela-4127905

Vacinas

Poblicado o por
Resposta

As primeiras vacinas contra o virus da Covid-19 xa están aquí. Onte comezaron a vacinar na residencia de maiores de Caranza. A porta á esperanza para superar esta crise sanitaria e social, definitivamente, está aberta.

Oitenta e oito mortos na área sanitaria de Ferrol. Cincuenta mil persoas no conxunto de España. Pero, igual para o PP non abondan e prefiren seguir sendo un obstáculo para a inmensa maioría da cidadanía. Son un partido bronco, tamén responsables do avance do negacionismo e da confrontación nun asunto que non o permite. Tremenda deslealdade sempre pasa factura.

Será interesante saber que van facer as súas agrupacións municipais, incluída a que lidera José Manuel Rey en Ferrol. Seguir a senda de Casado e Ayuso pode ter un efecto desbastador, aínda que crean que as eleccións locais quedan lonxe e que teñen marxe de manobra . Un pouco de sensatez non viría mal na dereita.

https://www.diariodeferrol.com/opinion/manuel-cendan/vacinas/20201229204950294079.html

Unha Xunta sen Ferrol

Poblicado o por
Resposta

No novo goberno de Feijóo non hai ferroláns. É dicir, José Manuel Rey non foi nomeado, desta vez, conselleiro. Haberá que esperar un tempo para saber si isto significa un cambio de liderado no PP ferrolán, e máis tras dous mandatos consecutivos sen tocar goberno municipal.

Tamén haberá que ver como vai influír o “Caso Kitchen” nas aspiracións do presidente galego a ocupar o asento de Casado no Congreso dos Deputados e, máis, como vai afectar isto ao actual grupo municipal da dereita, se van acabar este mandato como tal grupo ou baixo unhas novas siglas ou se van pagar eles a inacción da actual Xunta no ensino e na sanidade galegas.

De momento, confórmanse con afearlle ao alcalde Ángel Mato un suposto baixo gasto, tras seis meses de pandemia e con todo o tecido económico paralizado, onde o Concello de Ferrol priorizou a axuda directa a familias necesitadas e empresas, que non foron poucas, lamentablemente.

https://www.diariodeferrol.com/opinion/manuel-cendan/xunta-ferrol/20200915224724288173.html

Sobre orzamentos

Poblicado o por
Resposta

Estes días tan revoltos por Cataluña, en Ferrol andamos enredados nos orzamentos por partida dobre. Tanto cos da Xunta de Galicia, como cos que está a preparar a actual corporación da man de Mayte Deus, concelleira de Facenda. Pero, tamén súmase, xa non só a proximidade das eleccións xerais, senón que José Manuel Rey – supoño que co pesar de Iván Rivas – está a exercer o seu papel de principal líder da oposición.

Aínda non coñecemos o avance do borrador dos vindeiros orzamentos municipais, que prometido está que presentarán en breve, unha vez que non caeron na trampa de presentar un para acabar este semestre, como reclamaba toda a oposición. De verdade que estaban dispostos a aprobalo cando, en breve, entraría o correspondente ao 2020? O que si sabemos é que, basicamente os da Xunta, para Ferrol descansan na doazón do señor Amancio Ortega. A dereita saberá se esas son formas de tratar á cidade.

https://www.diariodeferrol.com/opinion/manuel-cendan/sobre-orzamentos/20191024001929267134.html

Fogo amigo

Poblicado o por
Resposta

Este inicio do curso político non está resultando todo o que del podía esperar, o líder da dereita ferrolá José Manuel Rey, cando en principio tiña a vantaxe dos desencontros de FeC e do BNG co grupo socialista, que provocaron un goberno en solitario encabezado por Ángel Mato.

A recente visita da señora Conselleira da Vivenda a Ferrol Vello, Ángeles Vázquez, contou unicamente co edil popular, pero “esqueceron” convocar ao resto da Corporación e máis ao alcalde, impedindo así o diálogo e colaboración da que sempre presumen que ten que haber entre as diversas administracións.

Pero, si isto non abondaba a Consellería de Educación acaba de poñer en pé de guerra aos pais e nais do Cruceiro de Canido, coa demora dunhas obras da súa competencia. Non desculparse e pretender evadir as súas responsabilidades non deixa de ser outro erro máis.

En fin, o peor non son os adversarios políticos, senón o fogo amigo.

https://www.diariodeferrol.com/opinion/manuel-cendan/fogo-amigo/20190911233356264517.html