Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

A Solidariedade

Poblicado o por
Resposta

 

ArribaPariasdaTerraA inmensa maioría da xente non pode escapar ás consecuencias das políticas da “austeridade”. Non hai saídas individuais á crise. Así, mentres non entendamos a necesidade de formar unha vontade colectiva, pouco hai que facer. A solidariedade, que toma conciencia e supera o individualismo.

 

Dende hai moito temos decidido mirar para outro lado. Escapamos aos problemas, asumindo un trágala propio que lévanos nunha espiral de destrucción, como sociedade e como persoas.

 

Pero, tamén hai un movemento de base da sociedade que aposta por facerlle fronte aos recortes e perda de dereitos. Faltos de dirección, pola renuncia de partidos e sindicatos que seguen aspirando a vivir da negación da política, e conformando unha casta allea á xente común. Necesitamos dunha nova reformulación da tradición que recupere o valor da solidariedade. Este é o principio creador.

Enlace web a Letras de Cambio (@DiarioFerrol)

 

Besteiro

Poblicado o por
Resposta

Besteiro-Megasa18out2013

Co desinteresado esforzo de militantes que non soen saír nos medios de comunicación, os socialistas acaban de inaugurar a súa nova sede local. Un espazo que pretende ser un punto de encontro coa cultura e o compromiso social. Un modelo que bebe das mellores tradicións da esquerda en Ferrol, que entronca en definitiva coas súas raíces obreiras e cívico-republicanas.

E foi coa presenza do novo secretario xeral do PSdeG. Cunha tarde moi productiva, e non só festiva. Reunión previa co Comité de Empresa de Megasa, inauguración, reunión da executiva local con Besteiro e nova edición da Festa da Rosa.

Así tamén, puidemos ver xa as primeiras enquisas sobre a valoración dos políticos. O forte despunte do novo líder socialista abre unha etapa de construcción dun proxecto que combina a defensa das clases traballadoras e medias cunha terra chamada Galicia. Volve o PSdeG.

Enlace @DiarioFerrol (Columna “Letras de Cambio”).

Aparentar

Poblicado o por
Resposta

CENG3

O xogo de aparentar unha realidade política diferente á verdadeira, agáchase dende a noite dos tempos. Aqueles que están nisto, non pretenden outra cousa que ocultar a debilidade das súas posicións. Son “trileros” que necesitan poñerse roupas alleas.

Quen realmente gañou o recente Congreso do PSdeG? Os seus militantes que elixiron con seu voto directo ao novo secretario xeral e, obviamente, José Ramón Gómez Besteiro e a súa executiva. Os demais xogan con cartas trucadas; no mellor dos casos están -máis o menos preto- do astro sol e non por iso teñen asegurado ese ansiado futuro persoal.

Mais, son iso, simples xogos. E á xente común nada lle interesa. Resulta máis importante saber que pasa neste mundo real en crise, porque un partido gaña cando é unha forza social que afunde as súas raíces nesa terra fértil que é a vontade colectiva e o afán de progreso.

Enlace a @DiarioFerrol (Letras de Cambio)

Nota Prensa Comité Megasa, 26 setembro 2013

Poblicado o por
Resposta

Megasa120613_2FolgaComarcal

Nota do Comité de Empresa de Megasa Siderúrxica S.L.

Onte os traballadores de Megasa, en Asemblea Xeral, fixemos balance das xestións e mobilizacións que tivemos dende o 30 de maio de 2013. Somos conscientes de que a repercusión alcanzada é froito do apoio do conxunto da sociedade.

Os traballadores de Megasa solicitan publicamente a implicación do conxunto dos parlamentarios, agora que a decisión final está no Ministerio de Industria.

Os traballadores de Megasa Siderúrxica S.L. fixemos onte balance destes catro meses de mobilización e xestións, en defensa dos nosos postos de traballo. Somos conscientes de que a repercusión alcanzada vén dada polo apoio do conxunto da sociedade comarcal, dos medios de comunicación e dos e das súas traballadoras, así como do apoio recibido por parte da totalidade dos alcaldes de Ferrolterra, Eume e Ortegal; así como pola parte dos sindicatos e partidos do centro e da esquerda, xunto aos seus grupos municipais e parlamentarios.

A resposta dos traballadores -e o apoio recibido- ante as decisións tomadas por parte do Ministerio de Industria, que modificou o sistema da interrumpibilidade eléctrica e todo o sistema estatal da enerxía, convertéunos na columna central da defensa e do futuro de Megasa.

Isto deu como froito que ó longo de todo este tempo a Empresa e a Consellería de Industria tiveran diversos encontros e negociacións para solventar a situación creada. Aínda así en ningún momento tivemos información do tratado e seguimos á espera de coñecer estas polo miúdo e como vanse concretar. Os traballadores reclamamos, ademais que o Comité de Empresa sexa recibido polo Presidente de Galicia e se poña á fronte do problema, como así están facendo outros pertencentes a outras Comunidades Autónomas, máxime cando el ten que ser un dos que deben enmendar a situación creada, por ser xunto co ministro Soria, os causantes desta situación.

Os traballadores avogamos pola continuidade de Megasa, que sigue e seguirá a ser rendible e polo tanto, seguirá a ser unha fonte de riqueza para as comarcas. A empresa está en débeda coa sociedade e, particularmente, cos seus traballadores.

Os traballadores e as familias de Megasa seguiremos mobilizándonos e en alerta ante as medidas que dende o Goberno de España, Xunta de Galicia e Patronal tomen. Así mesmo, esperamos do Congreso dos Deputados e do Ministerio de Industria a corrección á competencia desigual xenerada e a igualdade de trato dentro do mesmo sector industrial. Por isto, pedimos publicamente, así tamén en concreto, ao conxunto dos deputados e senadores galegos en Madrid a súa implicación aprol dunha solución definitiva e xusta en defensa dos empregos de Megasa Siderúrxica S.L.

En Narón, a 26 de setembro de 2013.

Comité de Empresa de Megasa Siderúrxica S.L.