Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

De falsas vítimas

Poblicado o por
Resposta

Beatriz Sestayo actúa como se fose vítima protagonista dunha suposta campaña de acoso, para tapar unha das peores derrotas e forzar un peche de filas entre os seus incondicionais. Non quere ver o dano que lle fai ao PSdeG local, a culpa sempre élle allea.

Este luns -con ausencias significativas- celebrou unha asemblea cun 20% dos afiliados. O máis salientable é que xa vai ter de xerente de urbanismo ao número seis da súa lista municipal e o cese (cuestión esta que non me causa especial sensación) da súa secretaria de organización, que tamén foi apartada da xunta do goberno de Ferrol en favor de Sas.

“Revólvese” contra a “malvada” prensa, pero non entregou o seu escano parlamentario (de dedicación exclusiva) e está en boca da cidadanía polas retribucións que, a maiores, vai ter como membro da xunta de goberno, voceira e pola asistencia a plenos.

http://www.diariodeferrol.com/opinion/manuel-cendan/falsas-vitimas/20150709003819128598.html

#EuConGrecia

Poblicado o por
Resposta

Os gregos están chamados ás urnas para dentro duns días, o feito por Txipras convocando ao seu pobo é un acto de dignidade e de democracia. Fronte á pretensión da dereita de abortar todo intento de rebelión democrática contra o austericidio, que foi imposto para salvar aos bancos privados e que trasladáronnos as súas débedas ao conxunto dos pobos do sur de Europa.

Resulta kafkiano escoitar ao ministro De Guindos, el que é un dos responsables da crise xunto con Rodrigo Rato, que Grecia débenos cartos. É mentira. Son os grandes bancos alemáns, franceses e a nosa propia banca os culpables.

Hai un dueto entre Maná e Shakira que di que “hai doutrinas e oradores, ditadores sen piedade que gobernan sen verdade e hai mentiras nos diarios, nas redes e hai enganos que por anos ocultaron a verdade, nun mundo tan irreal que non sei que crer”. Eu creo en Grecia.

Enlace web a Diario de Ferrol

 

 

Dedicacións

Poblicado o por
Resposta

Avanza o novo deseño do goberno de Ferrol. A nivel práctico, soamente, o novo alcalde e seis asesores veñen a reducir os seus salarios do erario público. Haberá que sumar os 560€ de asistencia por cada pleno para todos os seus membros, os 104 semanais para quen asista á xunta de goberno e os 38 por asistencia a cada sesión das comisións. Á marxe dos 140€ para os voceiros municipais.

No pleno do día 2 de xullo veremos exactamente o reparto. Pero, hai sete dedicacións exclusivas para un grupo de goberno que ten o mesmo número de concelleiros que o principal partido da oposición, que queda con tres e os nacionalistas cunha soa. Así, o grupo socialista de Sestayo con cinco concelleiras/os terá tres dedicacións exclusivas fronte ao anterior de Laso, que con dous concelleiros máis tiña só dúas. É ben coñecida a polémica dentro do PSdeG no mandato anterior.

Enlace web a Diario de Ferrol.

Elegancia

Poblicado o por
Resposta

Nos últimos tempos os partidos políticos están dando cursos de comunicación aos seus cargos públicos. Máis, deberan implementar esa formación cuns consellos de elegancia política, xa que todo non é pose, nin se soluciona con ter tres periodistas de man.

Así, se prometes gañar unhas eleccións case con maioría absoluta e non sacas nin a metade, tes que asumir a responsabilidade dentro e coa cidadanía. Se quen estivo contigo asume responsabilidades que ti non queres asumir, debes dar as grazas pola súa lealdade. Se che critican os que antes estaban, non os podes acusar alegremente e se o fas, xulgado, luz e taquígrafos.

En resumo, nese manual de elegancia deberan ensinar que sempre hai que cumprir coa palabra dada, e que en política só hai un xeito de asumir responsabilidades: conxugando, en primeira persoa, o verbo dimitir. O demais é xogar ás agachadas.

Enlace web DiarioFerrol

Enlace web Ideal Gallego

Libros de texto

Poblicado o por
Resposta

Un dos primeiros recortes do PP, cando gañáronlle as eleccións autonómicas ao presidente Touriño, foi sacar a gratuidade dos libros de texto. Medida da dereita duramente criticada polo conxunto da comunidade educativa. Así moitas ANPAS, nun exercicio de responsabilidade, decidiron montar o seu propio sistema de préstamo universal e solidario de libros, podendo participar todas as familias á marxe da súa situación económica e laboral.

Agora, dende a Consellería de Educación buscan converter a estas asociacións nunha administración informal e paralela. Queren que muden cara o modelo de bonos -imposto polo PP- e que xestionen os libros só para familias en risco de exclusión social e ata onde cheguen os orzamentos destinados pola propia Administración. O certo, que con Touriño as familias gastaban 8 millóns e con Feijóo gastan 120 millóns de euros.

Enlace web a Diario de Ferrol (Columna semanal “Letras de Cambio”).