Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

O autobús

Poblicado o por
Resposta

Cada vez estou más convencido que pretender debater e rebater nas redes sociais é un erro. O que queda é o silencio dunha maioría – que non fan acto de presenza – e moito ruído. Como mostra os desencontros de dirixentes veciñais con concelleiros do anterior grupo de goberno a conta das novas rutas dos autobuses locais, coas fotografías das alegacións presentadas e un largo etcétera.

Pero o certo é que o actual Concello acaba de apuntarse o tanto ao subirse ao bus do diálogo, xestionando coa Xunta e a empresa de transporte os cambios e melloras que piden diversas asociacións de veciños, para achegar aos usuarios aos centros de estudio e traballo, así como aos diversos hospitais de Ferrol. Modificacións das liñas iniciais e ampliación de horarios que deixan claro que é posible a colaboración. O mellor é sempre sentarse a falar, recoñecer ao outro/a e buscar a suma dos esforzos na causa común.

https://www.diariodeferrol.com/opinion/manuel-cendan/o-autobus/20200122215142273170.html

Mesa pola Industria

Poblicado o por
Resposta

A dereita está botada ao monte e teñen pésima memoria. Foron Aznar e Rato quen privatizaron en 1997 as eléctricas e converteron Endesa nunha empresa privada. Quizais, cando acusan ao goberno socialista de “querer pechala”, realmente están a propoñer a súa renacionalización? Sería isto válido para Alcoa?

Tamén son responsables da Lei 6/1998 que “liberalizou” o chan, provocando a burbulla do ladrillo e a crise económica e bancaria do 2008 que “obriga” a Zapatero a modificar a Constitución. É Soria – a instancia de Feijóo – quen saca a orde IET 2013/2013 que modifica o sistema de interrumpibilidade, creando o actual caos nas industrias electrointensivas.

Sería axeitado un pouco de mesura por parte dos señores Tellado e Calvo e dos seus compañeiros do PP. Sería mellor que sumáranse á mesa proposta polo alcalde Ángel Mato, poñer propostas e solucións en común para Ferrol, As Pontes e esta comarca.

https://www.diariodeferrol.com/opinion/manuel-cendan/mesa-pola-industria/20200115210903272604.html

A voltas coa felicidade

Poblicado o por
Resposta

Escribía unha amiga que a felicidade é un estado mental. Hai tamén quen di que cando menos cousas materiais tes, mellor. Non crean que este é un desvarío de principios de ano, produto da enchente do Nadal. Vén a colación ante un feito evidente no verán, e agora coas festas destes días: en cada evento, en cada escusa – se mo permiten – hai moreas de persoas. Da igual que sexa un feito musical, Papá Noel ou os Reis. O certo é que hai xente polas rúas de Ferrol, como hai tempo que non víamos.

De certo que os hostaleiros están contentos con tanto tránsito cidadá, vese que hai un repunte neste sector. Non tanto no sector comercial porque quizais a xente é reaccia a gastar ao ter interiorizado a precariedade, produto da crise e da reforma laboral do PP, que agora – co novo goberno en España – debéranse poñer couto. E si, a investidura de antonte, tamén forma parte desa felicidade, cando menos, inmediata.

https://www.diariodeferrol.com/opinion/manuel-cendan/voltas-coa-felicidade/20200108200522272103.html

A espera

Poblicado o por
Resposta

Estes días son de espera por novas boas para as comarcas de Ferrol, Eume e Ortegal. Parece que, a pesar da tormenta perfecta que están a organizar os ultras e as súas comparsas do PP e Cs, haberá investidura de Pedro Sánchez.

Nestas terras pedimos que todos aqueles asuntos que foron adiados polas “políticas” da dereita por beneficiar á “súa base social”, logren chegar a bo porto. O novo goberno de España debera traernos as F110, unha oportunidade para As Pontes e unha tarifa eléctrica competitiva para a industria.

Fronte ás esperanzas está esa dereita radicalizada, que ameaza con usar a determinados tribunais cuxos xuíces xogan a facer política rancia, para paralizar a acción dun goberno lexítimo. Chegados a ese punto, as e os traballadores deberemos axudar a consolidar a Coalición Progresista e as esperanzas da cidadanía. Será necesaria unha folga xeral contra unha CEOE e unhas dereitas hiperventiladas?

https://www.diariodeferrol.com/opinion/manuel-cendan/a-espera/20200102002049271553.html

Zume de laranxa ou limón

Poblicado o por
Resposta

De xeito amistoso e con moito humor, a política local e os seus protagonistas acaban de recibir os seus premios Laranxa (para os mellores) e Limóns (para os menos bos…). E posiblemente, as periodistas que seguen a política local – como case todas son mulleres, vou utilizar o xenérico femenino para nomealos a todos/as – están máis preto do que pensa a maioría da cidadanía. Así que parabéns para as mellores concelleiras e concelleiros. O resto, xa saben… a mellorar.

Pero, tamén é certo que non hai exercicio máis inútil que xogar a trasladar a que supostamente temos un goberno de malos malísimos, sen proxecto nin ambición. Quizais aínda algúns non saiban que precisamente son socios preferentes en Galicia dos socialistas. Quizais non saiban que, na práctica, nada hai fóra do goberno municipal, só a oposición do PP. O demais son fogos de artificio ou “sacarlle” o premio limón a Rey Varela. Feliz 2020.

https://www.diariodeferrol.com/opinion/manuel-cendan/zume-de-laranxa-ou-limon/20191225214840271208.html