Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

Perdemos o tren

Poblicado o por
Resposta

Estes días hai polas redes unha campaña de apoio ao “tren da costa”, o que fai a liña Ferrol – Ribadeo, na pretensión de recuperar un servizo público esencial e estratéxico para o norte de Galicia, e máis agora tras a desescalada e a volta aos traballos, á universidade e aos institutos. Pero, seguimos coa mesma atonía por parte do operador ferroviario.

Unha das eivas é que non entende a realidade interior de Galicia e busca “optimizar” un cadro de persoal exiguo e nuns horarios irrisorios e inadecuados. Pero, tamén porque hai quen está a xustificar unha aposta pola xestión privada das liñas ferroviarias.

Si, houbo un cambio de equipo tras a entrada do novo goberno central, pero segue a ser o modelo de liquidación do servizo o que está a marcar as pautas. O Estatuto de Galicia permítelle á Xunta liderar este servizo estratéxico, mentres o noso país, os concellos e a cidadanía estamos perdendo o noso tren.

https://www.diariodeferrol.com/opinion/manuel-cendan/perdemos-o-tren/20200929232839288945.html

Orcas

Poblicado o por
Resposta

Foto do Diario de Ferrol

Estes días estivemos atentos a como unha morea de candorcas tiñan incidentes con varias embarcacións de recreo, que navegaban preto das nosas costas. A verdade que son cousas que teñen pasado noutros momentos, incluso ás xentes que practican surf. É entendible as incomodidades e sustos que este tipo de cetáceos producen nas e nos afectados, pero tamén é certo que nós “non somos donos das súas augas”, para elas somos uns elementos estraños que “okupan” o seu ecosistema.

Por iso, é necesario cuidar a nosa linguaxe. Aquí tamén vese que as palabras non son inocentes. Serven para construírmos un mundo á medida dos nosos intereses. O certo é que somos a súa zona de paso, veñen desde onde – nos tempos antigos – considerábase estaban as columnas de Hércules, cara ao norte. E como ben saben, estes cetáceos son unha especie protexida e iso, tamén, é por causa de como estamos a esnaquizar o medio ambiente.

https://www.diariodeferrol.com/opinion/manuel-cendan/orcas/20200922230420288579.html

Unha Xunta sen Ferrol

Poblicado o por
Resposta

No novo goberno de Feijóo non hai ferroláns. É dicir, José Manuel Rey non foi nomeado, desta vez, conselleiro. Haberá que esperar un tempo para saber si isto significa un cambio de liderado no PP ferrolán, e máis tras dous mandatos consecutivos sen tocar goberno municipal.

Tamén haberá que ver como vai influír o “Caso Kitchen” nas aspiracións do presidente galego a ocupar o asento de Casado no Congreso dos Deputados e, máis, como vai afectar isto ao actual grupo municipal da dereita, se van acabar este mandato como tal grupo ou baixo unhas novas siglas ou se van pagar eles a inacción da actual Xunta no ensino e na sanidade galegas.

De momento, confórmanse con afearlle ao alcalde Ángel Mato un suposto baixo gasto, tras seis meses de pandemia e con todo o tecido económico paralizado, onde o Concello de Ferrol priorizou a axuda directa a familias necesitadas e empresas, que non foron poucas, lamentablemente.

https://www.diariodeferrol.com/opinion/manuel-cendan/xunta-ferrol/20200915224724288173.html

Uni Ferrol

Poblicado o por
Resposta

Todo comezou hai dous anos, cando as xogadoras pasaron polo colexio de Recimil e a miña filla pequena quixo ir a velas xogar, desde aquela ocupamos os mesmos asentos na grada norte da Malata. Polo tanto, recoñezo o meu papel de quen acaba de chegar, si. Pero, tamén acabamos de recibir un correo electrónico, onde anuncian a asemblea de renovación da directiva do club e a marcha do actual presidente Leopoldo Ibáñez.

Se hai unha cousa que chama a atención, nestes tempos, e agora que procederase a elixir unha nova directiva, son as fotos oficiais. Lembro unha co patrocinador, o Baxi, e outra cos voceiros da actual Corporación Municipal de Ferrol, e se unha cousa faltaba, e máis neste club, era a presenza feminina nelas. Así que, ademais de esperar saber como vai ser o aforo na Malata, a partir do inicio da temporada, o vindeiro dez de outubro, os tempos reclaman un equipo directivo paritario entre xéneros.

Enlace ao Uni Ferrol.

https://www.diariodeferrol.com/opinion/manuel-cendan/uni-ferrol/20200908194201287769.html

O acerto de Armas

Poblicado o por
Resposta

É evidente que a nova fisionomía da praza de Armas é un revulsivo para este espazo, así vemos como en pouco tempo, a pesar da crise sanitaria e económica, estase a encher todos os seus baixos. Á nova cafetería, en breve, sumarase un negocio de perfumería e as oficinas centrais dunha axencia bancaria. Lonxe queda a errónea proposta dun novo aparcadoiro, que segundo os técnicos íannos custar máis de cinco millóns de euros e unha nova concesión, hipotecando Ferrol.

Debemos alegrarnos dos acertos, e se hai problemas momentáneos por un mal rego dos tilos, ou porque tras un temporal mánchase un anaquiño da rúa da Terra, iso non descualifica o acerto do novo deseño de Armas. Deixemos que os que non queren que Ferrol siga adiante teñan o seu penar nas redes sociais, pero é indubidable que para o conxunto da cidadanía, a nova praza de Armas é un acerto. Agora si é un espazo gañado para todas e todos.

https://www.diariodeferrol.com/opinion/manuel-cendan/o-acerto-de-armas/20200902023338287349.html