Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

Lista Sestayo

Poblicado o por
Resposta

É evidente que mañá a asemblea dos socialistas ferroláns referendará a proposta de Beatriz Sestayo. Pasou antes pola executiva, onde practicamente ninguén falou. Ela é a candidata e, polo tanto, ten o seu dereito a dicir por quén quere ser acompañada.

Hai que recoñecerlle valentía. É unha lista sen concesións, agás algún premio de consolación. Fai unha proposta que é fiel reflexo da súa visión de sociedade, cidade e de partido. Valentía por presentar unha lista que pivota sobre profesionais independentes de clase media, nun Ferrol debullado con orgullo pola súa clase traballadora.

É irrelevante que outros puideramos facer outro tipo de candidatura para as municipais de maio. Indubidablemente, é a súa lista e seu será o seu triunfo. Publicamente, ela ten recoñecido ter unha enquisa propia que a postula como a próxima e primeira alcaldesa de Ferrol.

Enlace web a Diario de Ferrol.

Ultraactividade

Poblicado o por
Resposta

Están os avogados de empresa dándolle voltas á sentenza do Tribunal Supremo sobre a ultraactividade, da que recentemente vense a coñecer a súa argumentación e votos particulares. Os seus clientes están molestos porque a súa libre disposición -das relacións laborais- queda acoutada a uns mínimos.

É certo que os convenios colectivos caducan un ano despois de finalizar a súa vixencia, pero as condicións de traballo previstas mantense como condicións contractuais, dándolle aos traballadores unha cobertura básica en materia de salarios, condicións de traballo, quendas, mobilidade funcional e horarios.

A modificación das mesmas, obriga ás empresas iniciar un novo período de negociación coa representación sindical, ao abeiro do artigo 41 do Estatuto dos Traballadores. Previsiblemente, esta acabe en vía xudicial ante a falta de acordo entre as partes.

Enlace web a Diario de Ferrol.

Enlace web Ideal Gallego

PAI Ferrol

Poblicado o por
Resposta

O que son as cousas, á Deputación sobráronlle 25 millóns de euros e vainos adicar a un mal chamado Plan de Aforro e Investimentos. Porque basicamente é un crédito para pagar débedas dos concellos -especialmente pequenos- onde, directamente, a Corporación provincial vai trasladar eses cartos aos bancos beneficiados. Éstes estarán contentos!

José Manuel Rey e Diego Calvo

E como saben, Ferrol vén de sumarse ao PAI, cun total de 677.000€. Dedicando, tamén, a terceira parte ao pavimentado de media ducia de rúas. Pero, que sentido ten que participemos deste plan, máis cando o noso alcalde presume de millóns de euros de remanentes? Non sería mellor usar os recursos propios?

En tempos de crise, fáltalle xestión a Diego Calvo na Deputación para unha actuación propia? O que si supoño é que o reparto, en base a súa poboación e esforzo fiscal, aos demais concellos da comarca, viralles ben.

Enlace web a Diario de Ferrol

Enlace a reparto PAI Ferrolterra

Enlace a Bases PAI Deputación coruñesa

Mercados

Poblicado o por
Resposta
Proposta socialista para a rehabilitación e novos usos do Mercado de Caranza, Ferrol.

Proposta socialista para a rehabilitación e novos usos do Mercado de Caranza, Ferrol.

O goberno municipal do PP vén de recoñecer que pretende ceder a xestión do Mercado de Caranza, é dicir, privatizar outro ben da cidadanía, pero a maiores que a remodelación e a garantía dos beneficios sexan a cargo das arcas municipais. Un choio: os beneficios para o peto empresarial, os custes para nós.

A menos de catro meses das eleccións municipais, cando non tiveron ningunha présa durante o presente mandato, non sería mellor que nos temas que condicionarán á vindeira corporación, se busque o consenso ou unha xestión política sen cargas para o futuro?

Seguen a pretender cortar todo tipo de actuación no futuro polas esquerdas ou, simplemente, estamos na idea duns patrimonios e dereitos dos ferroláns como negocios? É isto outra aplicación da reforma local do PP, para privatizar todos os servizos municipais, ao servizo dunha nova burbulla financeira?

Enlace web a Diario de Ferrol.

Cleanet

Poblicado o por
Resposta

Foron a Madrid, pero seguirán de folga. Son conscientes de que a loita vale a pena, porque é a súa única garantía. Están en xogo os seus empregos, e necesitan que dende o Ministerio de Defensa entendan cales son as súas obrigas.

14-10-29Cleanet_VíaCIGNon vale escusarse en que non son persoal laboral do Estado. Precisamente, iso é unha maior responsabilidade que teñen dende a Administración central. Mais, cando esta última tiña que velar polo emprego estable e de calidade.

Creo, ademais, que no caso de Cleanet hai unha maior discriminación. Trátase dunha empresa de limpeza, onde case a práctica totalidade son mulleres traballadoras. Se fosen fundamentalmente unha empresa de varóns, hai tempo que estaría resolto. En todo caso, o Ministerio de Defensa debe resolver o asunto de xeito satisfactorio, que a xente cobre os seus salarios e que sigan elas todas e todos a traballar.

Enlace a Diario de Ferrol (Letras de Cambio)