Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

Andalucía

Poblicado o por
2

A fortaleza do PSOE andaluz confrontado contra Rajoy, leva por diante ao PP. Tamén, limita os efectos da irrupción de Podemos. O PSOE segue a ser a forza central en Andalucía.

O PP perde a terceira parte. Os máis á dereita van a Cidadáns e os máis centristas a Podemos. Estes últimos sumándoos aos votos que reciben de IU e de novos votantes, logran ser os terceiros, pero non son determinantes no novo parlamento. Agora, xa son “casta”, toca definirse (#tic-tac).

Os Cidadáns de Albert Rivera crecen a costa dos PP, UPyD e PA. Dende IU deben facer autocrítica, máis sendo os seus feudos tradicionais. A súa debacle non vén pola súa coalición cos socialistas, senón porque estaban comodamente instalados como parte do sistema.

Galicia non é Andalucía. Pero, parece máis evidente que aquí Podemos vai pinchar. Alegría en AGE, máis na Anova de Beiras e Martiño Noriega.

Enlace web a Diario de Ferrol (Columna Letras de Cambio).

Catro Convenios

Poblicado o por
Resposta

O martes, case de mañanciña, en Ferrol tíñamos unha inusitada actividade na Casa do Concello. Aos do PP entroulles unhas présas non vistas ao longo de este mandato. Catro convenios como catro soles, pero con truco.

Así, á dereita non lle quedou máis que reivindicar -ás caladas- o bo traballo feito no mandato do socialista Vicente Irisarri. O “novo” convenio con Defensa, practicamente, é o mesmo pero con dous engadidos. Iso si, pola desidia da actual equipa cuns custes adicionais para a cidade.

Non hai en algún caixón da alcaldía propostas para abrir Ferrol ao mar, que so deben ser postas en marcha? Sabe o concelleiro da policía local que a ten centralizada en San Xoán? Así, tamén, o convenio con Fomento, para a nova entrada á cidade polas Pías, benvido sexa. Mágoa que o ex ministro Pepe Blanco non o deixara concluso. Estamos no 2011 ou no 2015?

Enlace a Diario de Ferrol.

Dez de Marzo

Poblicado o por
Resposta

O martes debera ter sido un día especial para Ferrol. Unha data que tiña que ter reflectida a importante achega que fíxose para a ruptura da ditadura franquista e para a apertura á democracia e ás liberdades. Pero, estes días que tanto fálase de falta de liderado político na nosa cidade, igual tamén, hai que falar de isto dende o eido sindical. Neste dez de marzo víase que cada quen está ao seu e nin xuntos suman o que deberan.

Non é hora dunha reflexión conxunta? Que fixemos mal para que non podamos ir xuntos detrás da mesma pancarta e porque, nin sequera, as organizacións sindicais lograron converter o dez de marzo nunha data a celebrar polo conxunto de Galicia? O certo é que fóra de Ferrol vese case como algo exótico, dunha cidade que carece de proxecto propio e referentes actuais. É necesario un cambio de rumbo, alén da unidade circunstancial.

Enlace web a Diario de Ferrol.

OCDE

Poblicado o por
Resposta

Estes días estivo por España Ángel Gurría, secretario xeral da OCDE. Viña envolto na bandeira do capitalismo verde. Quizais o rechamante, é como se nos presenta a noticia sen unha análise crítica da mesma, que case pareza que este organismo internacional é unha ONG a favor dos pobres do mundo.

Apoiou a reforma laboral do PP, que se traballe moito máis por gañar menos e ter unha vida precaria. Pero, o máis sorprendente foi que dixo apostar pola defensa ecolóxica deste país, das nosas augas e da nosa natureza. E para iso, que había de aumentar os impostos aos “axentes contaminantes”, previa baixada de impostos ás grandes fortunas e ás empresas.

E cales son esas medidas? Que os cidadáns paguemos o que deixaran de tributar os ricos con subas nos combustibles, na luz, na recollida do lixo, na auga e no saneamento. Sóalles? Si, Ferrol sería modélico para a OCDE.

Enlace web a Diario de Ferrol

Gomendio

Poblicado o por
Resposta

Á señora Gomendio Kidelan, dona Montserrat, parécelle insostible o modelo de financiamento das nosas Universidades públicas. Cre que hai demasiados universitarios e que temos malos resultados. Pero, o certo é que están buscando como facerlle un bo burato ao sector público en beneficio dunhas privadas, que necesitan de axudas como á da actual Secretaria de Estado do Ministerio Wert.

Quizais, para a Sra. Gomendio resulte pernicioso un sistema construído pola esquerda e que hai tempo garantía o acceso á universidade ás fillas e fillos das clases traballadoras. Este foi un dos grandes logros socialistas. Hoxe, hai máis taxas, peores becas e menos alumnos, e os que están son cada vez máis seleccionados en función da súa orixe. E iso, explica a onde quere ir a millonaria compañeira do Ministro Wert. Ao final, mira o mundo dende a posición da súa clase social.