Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

José Torregrosa

Poblicado o por
Resposta

As veces as palabras non chegan para definir as cousas da vida e menos se se trata de xente – radicalmente – humana como José Torregrosa. Son case vinte e cinco anos de amizade e colaboracións en diversos eidos. El como mestre, eu como simple alumno ao que lle gustaría, aínda que fose só por un momento imitalo.

Torregrosa novelista de “Abordajes” e “Nadie y Polifemo”, crítico de cine, periodista vinculado a este xornal, autor teatral, poeta e contador de contos. Profesor xubilado do Colexio Ludy. Fundador de coñecidas entidades culturais. Colaborador en miles de proxectos en Ferrol. Cultura, compromiso e humanismo.

Son dos que cre que un debe recoñecer as súas débedas persoais: permítanme contarlles que el regaloume a súa amizade e media vida de horas de compromisos e complicidades. Incluso o título desta columna, “Letras de cambio”, foi unha suxestión del. Meus afectos para José Torregrosa.

https://www.diariodeferrol.com/articulo/opinion/jose-torregrosa-3447391

Servizos Bancarios

Poblicado o por
Resposta

Houbo un tempo que entrar nun banco a facer calquera xestión era sinónimo de que formabas parte da sociedade. Incluso había quen escoitaba o que tiñas que dicir e podías ir á hora que che conviña. Agora -dáme igual a entidade bancaria – aquilo está máis baleiro que a estepa siberiana. De feito, xa é un sitio incómodo para calquera cidadán de Ferrol.

Se vostede ten a oportunidade de cancelar unha hipoteca e con ela o seguro de vida que garántelle ao seu banco que sempre vai cobrar, síntoo. Non recibirá ningún parabén por cumprir con tantos anos de facer contas. O primeiro será apercibirlle que debe vostede sumar un novo seguro ou aumentar as contribucións a ese fondo de pensións privado que vostede non quería.

Todo isto, disfrazado de “transición dixital”. É dicir, para ter os nosos cartos temos que “converternos” no persoal do propio banco e dar as grazas, porque isto é a “modernidade”…

https://www.diariodeferrol.com/articulo/opinion/servizos-bancarios-3435495

Anuncios electorais

Poblicado o por
Resposta

Hai que felicitar a Martina Aneiros que, tras once anos de concelleira, ocupa xa a delegación territorial da Xunta de Galicia para Ferrol. Este é un nomeamento cunha grande carga política e electoral, reforzado ademais cun perfil persoal e profesional estreitamente vinculado á cidade.

É certo que ás urbes séntalles ben os períodos preelectorais. Tras a nova delegación da Xunta – esperemos que con contidos reais – chegan unha serie de novas por parte de Feijóo, que máis parece terse autonomeado concelleiro número vinte e seis de Ferrol.

O anuncio dunha nova senda peonil e carril bici do porto até a Cabana ou a Zona Rexurbe para Ferrol Vello parece que deixan de ser un simple cartel á carón da Praza Vella. Incluso é gratificante saber superadas as reticencias da dereita cara á figura de Carvalho Calero e a súa casa natal da rúa San Francisco. Ou o financiamento “ilimitado” das ampliacións do Marcide.

https://www.diariodeferrol.com/articulo/opinion/anuncios-electorais-3426153

A pancarta

Poblicado o por
Resposta

Desde os anos oitenta a cidade de Ferrol perdeu unha terceira parte da súa poboación. Cada día estamos máis lonxe das grandes cidades galegas, que máis ou menos van mantendo os seus niveis, e no noso caso nin as subas puntuais, doutros concellos da comarca, compensa esta perda poboacional. Isto trae consigo unha perda de músculo industrial.

Estes días estivo a ministra de Transportes Raquel Sánchez. Desde o seu partido faláronlle dos déficits nas infraestruturas, xentes doutro partido decidiron ir a dar voces cunha pancarta.

Si, cada quen é libre de facer como considere. Pero, os partidos con verdadeira vocación de mellorar a vida da xente, de forxar maiorías sociais, con ambición de goberno non mandan – a un acto – aos seus membros a molestar aos militantes dos partidos que son os teus socios preferentes. Ás veces unha pancarta exhibe as carencias do seu portador.

https://www.diariodeferrol.com/articulo/opinion/pancarta-3418096

Salvados polos libros

Poblicado o por
Resposta

Cando pase un tempo seguro que teremos estudios de como afecta a pandemia da Covid-19 aos diversos eidos da nosa vida e saúde. Un dos máis interesantes será aquel que teña que ver coa emocional, de como facer fronte ao illamento e, en moitos casos, á soidade.

Ese vinte e cinco por cento de suba xeral nas vendas de libros con respecto aos anos anteriores, resulta ser unha boa nova. Aquela lenda urbana que falaba da fin do libro en papel e dunha redución ao mínimo dos nosos hábitos de lectura, resultou chocar coa realidade.

En cada localidade, nós en Ferrol, deberíamos agradecerlles ás nosas libreiras e libreiros a súa vocación. A súa pelexa diaria por manter os seus negocios tan maltratados pola nosa sociedade. Libraría Galiano, as dúas Centrales, a do Cantón, Estraviz, Limiar (sumen a esta lista todas esas que faltan)… tamén son parte fundamental na loita contra todas a vagas da pandemia.

https://www.diariodeferrol.com/articulo/opinion/salvados-polos-libros-3390848