Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

Cuestión de Saúde

Poblicado o por
Resposta

 

E seguen con que “a xestión pública-privada e a libre elección de centro sanitario abre a competencia entre eles e isto é bo para os cidadáns”. E se ben, o Sergas viuse obrigado a convocar novas prazas para repoñer a falta de persoal médico e de enfermería, non así fan o mesmo co persoal administrativo.

Iso non é máis que un cabalo de troia para entregarlle o noso sistema nacional de saúde ás grandes empresas do sector, en detrimento da calidade do servizo e cun aumento do gasto real, xa que, obviamente, estas teñen ánimo de lucro.

Así, tamén, as reformas que exclúe ao paciente en función do seu nivel de renda, da nacionalidade ou por estar en paro, causan un risco de seguridade sanitaria. Nestes tempos precisamente o acceso universal e de balde a unha sanidade pública de calidade é unha garantía para o conxunto da poboación. É cuestión de saúde.

Publicado hoxe no Diario de Ferrol.

Entullos

Poblicado o por
Resposta

Estes días sorprendíannos coa emisión en directo da detención do señor Rodrigo Rato. E por se non o tíñamos claro co caso Bankia, o gran deus do capitalismo español ten os seus pés na lameira, dende hai décadas. Iso fai moito máis ridículo a pretensión do PP de afastalo do seu carón.

O caso é que a xestión de Rato, baixo o paraugas de Aznar, ímola pagar durante moito tempo e a un prezo moi alto. Debéramos tomar exemplo de Grecia que vai auditar a súa débeda e chamar a declarar aos dirixentes europeos implicados nesta estafa.

Mentres, aquí pagamos a crise do ladrillo cunha perda evidente de nivel de vida e agresións aos nosos dereitos. Por iso, alporízame algo que me contaban dunhas inmobiliarias locais que no alugueiro de pisos, a parte de avaliar a túa situación económica, pagar por adiantado a correspondente fianza, agora che piden que leves un avalista.

Enlace web a Diario de Ferrol.

María Vázquez

Poblicado o por
Resposta

Hai feitos importantes como os deste último 14 de abril en Santiago e Miño. Onde os do PSdeG lembraron a figura da mestra republicana e socialista María Vázquez, asasinada na praia deste último concello en 1936. Lembrando a Dona María, celebran os socialistas galegos a primeira edición dos seus Premios de Igualdade.

No Miño natal da homenaxeada, comezou a xornada da man da súa secretaria local Catarina Morado, acompañada de Gómez Besteiro, Pilar Cancela e a ferrolá Eva Martínez -todos eles da executiva galega socialista- e da presidenta do PSOE, a andaluza Micaela Navarro. Parabéns.

Dous actos emotivos, cargados de memoria e de loita pola igualdade, máis tratándose dunha parte que segue agochada, porque o que aínda queda é sacar á luz o papel das represaliadas. Dobremente. Non esquezamos que a agresión sexual era unha práctica habitual franquista.

Enlaza web a Diario de Ferrol.

Sáhara

Poblicado o por
Resposta

Vén de renovarse o programa “Vacacións en paz” entre a Solidariedade Galega co Pobo Saharaui e o Concello de Ferrol. Parabéns. Así, a nosa cidade volve amosar unha solidariedade efectiva coa ex colonia española. En especial, con nenas e nenos menores de doce anos, que no verán estarán entre nós.

Temos unha débeda pendente co pobo saharaui. Esquecemos, ás veces, que foi o corrupto réxime franquista quen deixou a este pobo, que a mediados dos anos setenta, tiña a nacionalidade española sós fronte unha ocupación marroquí, que miren por onde, tamén tivo o apoio dos EEUU.

Unha postura de claro apoio ao pobo saharaui frearía as pretensións da monarquía alauí en Ceuta, Melilla e Canarias. Ademais, de reforzar aos sectores democráticos no propio Marrocos. En calquera caso, benvido a renovación do convenio, e que Ferrol volva a acoller ás nenas e nenos saharauis.

Enlace web á columna “Letras de Cambio”, Diario de Ferrol.

Germanwings

Poblicado o por
Resposta

As autoridades francesas comunicaron, este martes, que xa tiñan os restos das vítimas do truncado voo da filial alemá de Lufthansa. Vaia por diante as condolencias para todas as familias. Pero, tamén, hai que salientar a profesionalidade dos franceses que, ademais, non deron pé aos sensacionalistas.

Chócame que un parte de baixa poida ser escamoteado, que nunha empresa non se enteren automaticamente, máximo nesta era das aplicacións para calquera cousa. Sempre estase a mirar a prol das empresas e sempre, pretenden que os traballadores enfermos cedan ás presións da patronal “contra o absentismo laboral”, a pesar dun evidente risco de seguridade.

Hai que garantir a trazabilidade deste tipo de procesos, así como os dereitos dos traballadores e usuarios. Iso implica un cambio de punto de vista e unha defensa pública de toda a saúde, incluída a laboral.

Enlace web a Diario de Ferrol.