Arquivo por etiquetas: Porto Exterior

Pufo portuario

Poblicado o por
Resposta

Están na Xunta a berros, que debe ser que Pedro Sánchez é o presidente de Galicia e que abandonaron a confraría dos caladiños da etapa Rajoy. Agora calquera cousa é un insulto ás galegas e aos galegos, a última a liquidación da débeda do Consorcio de Valencia que organizaba aqueles eventos como a Copa América ou a Fórmula 1 para pasear ao ex presidente Paco Camps e os seus traxes.

Persoalmente, creo que primeiro débese avaliar a xestión da cousa pública, saber se foi correcta ou non, se houbo incapacidade, neglixencia ou dolo. E isto tamén vale para as débedas das novas infraestruturas dos portos galegos.

De veras, a dereita ferrolá, quere un trato similar para o noso porto exterior ou hai truco? O certo é que o gran beneficiado sería o de Coruña e cuxa xestión está posta en cuestión, tamén competidor directo do noso e cunha débeda seis veces superior á da Autoridade Portuaria de Ferrol.

https://www.diariodeferrol.com/opinion/manuel-cedan/pufo-portuario/20180905215138236169.html

Ana Pastor

Poblicado o por
Resposta

Foi moi interesante o encontro, deste sábado pasado, de Ana Pastor cos cidadáns que participaban na protesta á entrada de Renfe. Como é posible que a Ministra de Fomento non soubera da oposición á traza sur para o acceso do tren ao Porto Exterior?

Que non soubera que esta opción supón unha grave agresión, que parte a cidade de Ferrol en dúas, que deixa fóra os polígonos, que machaca en definitiva a Malata? Entón, que falou co alcalde? É certo, un alcalde non pode ser un “voceras”, pero tampouco ser un “confrade dos caladiños”.

Dando por boa a disposición de Ana Pastor á escoitar as demandas ferrolás, esta deixa o camiño aberto para unha traza norte definitiva. A non ser, que moita da culpa sexa dun alcalde, metido a delegado mudiño dun poder alleo e que esquece defender a súa cidade. Debe José Manuel Rey aprender da súa Ministra e tomarlle a palabra.

Enlace web á columna “Letras de Cambio” (@DiarioFerrol)

Portos

Poblicado o por
Resposta

Parellamente ao enésimo accidente en Punta Langosteira, Greenpeace vén de criticar a construción do seu Porto Exterior, que considera innecesario ao ter fronte da Coruña o Porto Exterior ferrolán. Mais o certo é que estes días Portos do Estado acaban de librar outros 250 millóns de euros para ver se así conclúen as obras do porto coruñés, onde todos están de acordo en que é o peor dos emprazamentos posibles e que, unha vez en funcionamento, estará boa parte do ano inoperativo polas situacións medioambientais da zona elixida.

Un novo orzamento que vén sumarse a outros 753 millóns de euros, produto das sucesivas medidas erróneas tomadas, que gravaron este investimento pagado por todos. Isto contrasta co que está a acontecer co Porto Exterior ferrolán. O presidente de quenda Cesáreo Fraga, na xunta da Asociación Impulsora do Plan Ferrol esixía ás Institucións afectadas un pronto remate das obras portuarias e dos accesos a Caneliñas. O necesario para finalizar as mesmas resulta ser sensiblemente inferior ao crédito librado estes días polo Ministerio de Fomento e o ICO, na súa sinatura coa presenza do alcalde coruñés para Punta Langosteira.

Non son chegados aínda os tempos para o remate das obras e dos accesos ferroviarios do Porto Exterior de Ferrol? Que pensan sobre todo isto o alcalde de Ferrol e os diversos grupos municipais? Cal é o posicionamento da executiva socialista ferrolá?

Ler artigo no Diario de Ferrol.

Jesús Candil

Poblicado o por
Resposta

O Plan Ferrol leva dende o ano 2006 incentivando a creación de empresas en Ferrolterra, Eume e Ortegal, nun intento de diversificación e reindustralización tras as sucesivas reconversións. É realmente o único instrumento que comparten diversos axentes sociais, especialmente patronal e sindicatos, maila ao desmarque recente da CIG (que ten bicefalia interna). Entre outras cousas, porque non hai ningunha outra alternativa para a recuperación económica nesta parte do país.

Ler máis