Arquivo por etiquetas: Infraestruturas

Ferrol non é galega?

Poblicado o por
Resposta

Estes días vimos, como a conferencia dos presidentes autonómicos de Galicia, Castela-León e Asturias, reclamaban ao goberno de España unha maior implicación e aposta polo “Corredor Cantábrico”, que pretende modernizar o ferrocarril para o transporte de mercadorías cara a Europa. Petición atendida de xeito parcial co nomeamento do comisionado estatal, cando aínda estaban abrindo a quenda das primeiras intervencións neste evento.

Esta cuestión sinala a visión que ten a Xunta de Galicia. Deixa fóra do corredor ás cidades de Ferrol e Lugo, así como ao norte galego. Na memoria está aquela proposta non atendida do que fóra enxeñeiro naval e profesor de economía aplicada, Manuel Casal Pita, dun tren circular que si comunicaba as sete grandes cidades galegas.

O alcalde Ángel Mato foi o primeiro en saír a defender a necesidade que temos de formar parte dese corredor atlántico. Igual Rey Varela poderíalle preguntar ao presidente da Xunta se Ferrol non é Galicia? Todo isto porque Rueda, coma Feijoo, é só un representante dunha dereita coruñesa incapaz de sumar sinerxías coa comarca de Ferrolterra. O cal explica que, como contrapartida, converteran á cidade de Vigo na capital económica de Galicia.

https://www.diariodeferrol.com/articulo/opinion/ferrol-non-e-galega-4159888

A pancarta

Poblicado o por
Resposta

Desde os anos oitenta a cidade de Ferrol perdeu unha terceira parte da súa poboación. Cada día estamos máis lonxe das grandes cidades galegas, que máis ou menos van mantendo os seus niveis, e no noso caso nin as subas puntuais, doutros concellos da comarca, compensa esta perda poboacional. Isto trae consigo unha perda de músculo industrial.

Estes días estivo a ministra de Transportes Raquel Sánchez. Desde o seu partido faláronlle dos déficits nas infraestruturas, xentes doutro partido decidiron ir a dar voces cunha pancarta.

Si, cada quen é libre de facer como considere. Pero, os partidos con verdadeira vocación de mellorar a vida da xente, de forxar maiorías sociais, con ambición de goberno non mandan – a un acto – aos seus membros a molestar aos militantes dos partidos que son os teus socios preferentes. Ás veces unha pancarta exhibe as carencias do seu portador.

https://www.diariodeferrol.com/articulo/opinion/pancarta-3418096

O norte de Galicia

Poblicado o por
Resposta

Nestes días, a alcaldesa de Lugo Lara Méndez e o alcalde de Ferrol Ángel Mato facían causa común para esixir que, as dúas cidades, tiveran as comunicacións adecuadas co resto do país. Para mostra da situación, o que está a acontecer nas liñas de buses Ferrol Coruña, que só “funcionan” cando – previamente – anúncianse que van a facer presenza os inspectores da Xunta.

Cuestión que repítese co trazado do tren á cidade herculina, a exclusión do AVE ou, de facto, das infraestruturas do Eixo Atlántico. Todo isto, cunha hexemonía da dereita nos corenta anos de Autonomía, hoxe con Feijóo á fronte. Pero a cuestión deste desleixamento do PP con Ferrol vén da man de que o presidente da Xunta representa – fundamentalmente – os intereses cativos da dereita coruñesa.

Sumar esforzos con Lugo é un asunto estratéxico. Máis sería axeitado engadir un pacto por Ferrol. Poñer á cidade e á comarca por diante, por unha vez.

https://www.diariodeferrol.com/texto-diario/mostrar/3231096/norte-galicia

Camiños de ferro

Poblicado o por
Resposta

O deseño das infraestruturas responde sempre aos intereses económicos, pero tamén ideolóxicos. Non é algo irrelevante, nin vén “porque agora tocaba”. Vén isto a conta porque os Verdes alemáns acaban de facer unha proposta para unir 200 cidades europeas con 40 liñas de ferrocarril e os seus pretendidos homólogos españois de “Más Madrid”, súmanse sen máis a esta proposta.

Basicamente, a proposta para a península exclúe ás comunidades de Cantabria, Asturias, Castela – León e Galicia e non respecta a decisión estratéxica do goberno portugués de priorizar o Eixo Atlántico, reforzando así o proxecto “aznariano” que buscaba o efecto aspiradora de recursos para Madrid, quebrado coa crise do 2008. Calquera tipo de integración territorial debe asumir a pluralidade peninsular. O corredor cantábrico e o eixo atlántico – con Ferrol de vértice – forma parte de todo proxecto de país que mereza tal nome.

https://www.diariodeferrol.com/texto-diario/mostrar/3169385/caminos-ferro

O novo Plan Ferrol?

Poblicado o por
Resposta

Mentres o 10 de marzo a comarca participaba na mobilización a prol da industria local, o presidente Feijóo estaba en Madrid, pero para unha cousa diferente. Agora, vén cunha proposta que necesita concretarse, para saber que desta fala en serio.

Ninguén esquece que Feijóo leva doce anos á fronte da Xunta e con competencias exclusivas en materia de industria e promoción económica. Por iso, esa necesidade de saber de que estamos a falar realmente e, máis, cando chegarán recursos europeos para a recuperación vía goberno de España. Polo que sabemos, a proposta inicial é implementar o naval e os eólicos, pero necesitamos máis.

Fai ben Mato e os demais alcaldes tendo unha actitude propositiva e pedindo claridade. O certo é que o consorcio público privado “paralelo”, que acaba de montar a Xunta con determinadas empresas para “identificar” os proxectos para Galicia, tampouco é garantía de nada. Obras son amores.

https://www.diariodeferrol.com/texto-diario/mostrar/2868699/novo-plan-ferrol