Vídeo “Ferrol, polo mar e a vida”

CarmeloTeixeiro_VictoriaFdezEsta é un semana intensa para Fuco Buxán en Ferrol, o luns presentouse o número 23 de Razón Socialista, que contou coa presenza da tenente alcalde de Ferrol, Iolanda Díaz. O martes presentamos o vídeo “Ferrol, polo mar e a vida”, dentro do recoñecemento a Carmelo Teixeiro, Coordinador do Comité de Emerxencia e un dos fundadores da nosa asociación; e este venres en Sargadelos o libro “Votos de Riqueza” de Ignacio Castro.

Abaixo podedes enlazar ao vídeo que conxuntamente fixemos desde Fuco Buxán coa ONGD “Acsur – Las Segovias”. A presentación do acto foi da man do noso presidente Lalán, e a parte do vídeo tocounos a Silvia Chocarro e a min. Temos que agradecer, ademais, a presenza de Camilo Nogueira, e unha intervención non prevista do propio Carmelo Teixeiro, o cal estaba acompañado pola súa compañeira Victoria Fernández, e dous dos seus fillos: Carmelo e Noé, así como da súa familia, e moitas persoas vinculadas aos movementos sociais da ría de Ferrol. O acto foi pechado polos amigos d’A Revolta de Trasancos.

Coñezo a Carmelo desde marzo do ano 1991, e desde aquela teño colaborado día a día con el. Dicía na miña intervención algo que é ben certo: a miña vida non sería igual se non nos houberamos cruzado. Carmelo é un bo exemplo do carácter desta cidade, o seu nome está na mellor tradición de loita polos dereitos sociais e democráticos. O seu nome está unido ao dos Xaime Quintanilla, Julio Aneiros, os Pillado… ao conxunto do movemento obreiro que trouxo a democracia, as liberdades e o estatuto. Nel fúndese a mellor tradición do socialismo democrático, tanto político como sindical; sendo tamén un dos principais promotores da conciencia ecolóxica e no campo do desenvolvemento sostible da ría de Ferrol.

E este é un punto seguido. Vaille tal mal ao Grupo Tojeiro que xa están vendendo gas ao por menor, a través de camións cisternas. Non tardaremos os galegos, en base a aquel pacto siciliano asinado na etapa Fraga que protexía os intereses económicos dos promotores, en pagar do noso peto este ruinoso negocio.

Recoméndovos o visionado do vídeo, e pregamos a súa difusión. Ademais, ten unha licenza Creative Commons.

Ver vídeo en formato Quicktime (75 mb. Aprox.)

Ver vídeo en formato flashvideo (35mb. Aprox.)

Presentación V�deo Ferrol polo mar e a vidaCamilo NogueiraSilvia Chocarro + 1A Revolta de Trasancos

Ferrol, polo mar e a vida

Curso V�deo ACSUR Fuco Buxán

O vindeiro 18 de decembro no Centro Cultural Carvalho Calero de Ferrol, presentarase o vídeo que da título a este comentario, produto da colaboración que desde hai uns anos estamos a manter desde Fuco Buxán coa ONGD “Acsur – Las Segovias”.

Eses dez minutos e medio que dura a película é o resume do traballo que na primeira semana de xullo (adestramento e nocións en vídeo social), e na primeira fin de semana de agosto (montaxe), estivemos a facer coas dúas persoas chegadas de ACSUR: Silvia Chocarro e Ian Ingelmo. As nosas máis agarimosas grazas pola súa implicación cos nosos problemas.

Non contentos coa axuda que nos prestaron, eles enviaron ao Certame “Vídeo Diversidade” polo que a entidade convocante “Ecoloxistas en Acción” tivo a ben outorgar á nosa curtametraxe un dos accésits.

Este vídeo, ademais, entrará na rede internacional que esta ONGD ten para a difusión de problemáticas sociais. De feito, formará parte do Noticiario Intercultural, sendo ademais un programa que nesta ocasión compartimos con dúas asociación bolivianas: Casa Wayna Tambo e o Centro de Información Boliviano. O tema común é a sostibilidade medioambiental.

No noso caso, o tema central é a agresión de Reganosa ás nosas vidas e á ría de Ferrol. Tendo como hilo condutor durante todo o filme ao Coordinador do Comité Cidadán e primeiro presidente de Fuco Buxán, Carmelo Teixeiro.

Mágoa que neste proceso de aprendizaxe tiveramos que desbotar unha parte do material filmado, erros que se cometen en todo proceso creativo. Mais, o noso recoñecemento e as nosas máis sinxelas grazas a Monserrat Garel, a Xaime Gabarre, Gabriel Tizón, Alberto Saavedra, Luz Marina, a Milladoiro, ao Ateneo, ás Asociacións de Veciños de Ferrol Vello e do Ensanche A, ao IES Carvalho Calero e á Concellaría de Cultura do Concello de Ferrol. Grazas a todos os colectivos, especialmente ao Comité Cidadán e aos seus integrantes pola defensa da nosa ría ferrolá.

Grazas a todos pola axuda prestada, así como aos participantes ao curso: Xan, Ana, Rafael, Martín, Amador, María, Rocío, Paula, Mauricio.

E unha mención especial para Carmelo Teixeiro. O 18 de decembro non só proxectaremos un vídeo de temática social, senón que a parte máis importante será a do recoñecemento ao traballo que desde hai máis de trinta anos esta persoa leva facendo pola defensa medio ambiental da ría de Ferrol e a calidade das nosas vidas.

O traballo, moitas veces na sombra, ao longo de toda unha vida de Carmelo Teixeiro, obriga á nosa cidade, a esta ría, a un recoñecemento que sempre será pouco, para quen tanto nos deu e tan pouco recibiu.

Todos coñecemos do seu compromiso social e político na defensa dos valores humanos, dunha democracia de calidade e dunha sociedade cohesionada en base á xustiza social.

Grazas a ti Carmelo, por nos permitir durante todos estes anos estar ao teu carón.

*(Este artigo forma parte do número 23 da revista “Razón Socialista”, 2º Semestre 2007, editada pola Asociación Cultural Fuco Buxán).

Resistencias en Palestina

 

Cartel Expo Palestina Nov 2007

A principios de setembro presentábamos na Fundación Araguaney de Santiago esta mesma exposición fotográfica, que este vindeiro 8 de novembro inauguramos na Galería Sargadelos de Ferrol. Como sabedes é un acto conxunto da ONG ACSUR – Las Segovias e a Asociación Fuco Buxán.

A exposición, que leva como título: “Resistencias en Palestina: Vidas ao outro lado do Muro”, consta dunha serie de fotografías de Haneen Kandalaft de Nazareth, Jamal Aruri de Ramallah, de Mathew Cassel e Gary Fields dos EE.UU., do español Raúl Gallego e da campaña “Stop The Wall”. Estará en Ferrol, na Galería Sargadelos, até o 27 de novembro.

Contaremos desde Fuco Buxán coa presenza de Verónica Martínez, directora da propia Galería; de Mohamed Safa, da OLP; e do amigo Jordi Pedret, vicepresidente de ACSUR, deputado socialista por Barcelona e Coordinador do Intergrupo por Palestina do Congreso dos Deputados.

Esta exposición chega nun momento moi complicado para o pobo palestino, onde Israel aproveita a complicidade de EE.UU. e a Unión Europea, así como da división entre Al Fatah e Hamás, para seguir na súa política de limpeza étnica. O Muro non é máis que un instrumento, non defensivo, senón de expulsión contra os palestinos e os seus dereitos sobre as súas terras, e as súas vidas.

Hoxe Gaza é o maior campo de concentración da historia da humanidade. E é evidente que retráese por moito tempo a posibilidade a unha solución ao conflito, e deixa fóra de xogo a posibilidade dun estado palestino viable.

Invítovos a ver esta exposición, comprobaredes como se extermina a un pobo, curiosamente no nome da democracia. A historia de Palestina é a da limpeza étnica feita por Israel, cuxo único obxectivo é perpetuar a política colonialista deseñada hai tempo polo Reino Unido, que a mediados do século pasado foi substituído polos americanos no mundo árabe.

Unha política acorde cos dereitos humanos, coa democracia, contra o terrorismo… esixe a libre autodeterminación de Palestina, ademais, de frear as ansias colonialistas do mundo occidental no Próximo e Medio Oriente.

Podedes seguir os traballos pola paz, das organizacións españolas pro palestinas pichando aquí.

Vémonos este xoves, ás 20 horas na Galería Sargadelos de Ferrol. ¡Viva Palestina libre!

 

Tríptico explicativo da exposición (ver)
Resistencias en Palestina (en español)

 

Dereitos palestinos á sombra do Muro

Levo un tempo tendo desasistido este blog. A verdade que ando moi liado con Fuco Buxán. Entre a montaxe final do documental que fixemos con ACSUR sobre a ría de Ferrol e a exposición fotográfica “Dereitos palestinos á sombra do Muro”, que leva desde o 30 de agosto no Hotel Araguaney de Santiago de Compostela, e que hoxe pechamos.

Esta é unha exposición traída a Galicia por Fuco Buxán, grazas tamén a ACSUR – Las Segovias, e que ademais, sería imposible sen a colaboración da Fundación Araguaney. A exposición reflicte os efectos do Muro israelí sobre a poboación palestina dos territorios ocupados.

Eu_Isaac_Rosa_V�ctorNovásNa inauguración estiveron Lalán (presidente de Fuco Buxán), Jaber (presidente da Fundación Araguaney) e Isaac Díaz Pardo. E na Conferencia do día 6 de setembro contamos coa presenza de Rosa Méndez (directiva de Fuco Buxán), de Mohamed Safa (OLP), Magali Thill (ACSUR) e do Alcalde de Santiago de Compostela, Xosé Sánchez Bugallo.

O día 30 a xente de Fuco desprazada a Santiago puidemos compartir varias horas con Isaac e pasear pola cidade vella con el. Desde a súa homenaxe en Ferrol non tiveramos ocasión de contar coa súa presenza. De verdade que esta persoa é un verdadeiro patrimonio do conxunto do pobo galego. Persoalmente aproveitei para lle pedir que me dedicara o libro que nós editamos. A dedicatoria é unha autentica pasada, non sei como lla poderei agradecer de por vida. A omito por simple pudor.

E o xoves 6, tamén, e unha vez rematada a conferencia tivemos tempo para coñecer máis de preto tanto ao presidente da Fundación Araguaney como ao propio Alcalde.

A Fundación leva existindo desde hai vintecinco anos. A súa dimensión e a súa profunda raíz no pobo palestino fan dela unha das grandes Institucións que transmiten cultura, solidariedade e aire renovado a prol da liberdade en Galicia. É evidente que Jaber transmítelle toda a súa personalidade. Este tipo de institucións non poden existir senón hai un fondo compromiso coa túa xente, unha auténtica paixón pola túa terra, porque sempre é moito máis fácil adaptarse á sociedade que che dá acollida, que ter a mente e o corazón noutro lado do Mediterráneo, sobre todo con tantos anos de exilio.

E a Safa o coñezo desde hai moitos anos. Foi ao primeiro a quen lle oín falar da palestinidade, de pertencer a Palestina, incluso sen ser palestino. Esa palestinidade de aqueles que nin falamos árabe, nin nunca estivemos alá, pero que entendemos que temos de estar coa causa palestina, simplemente por dignidade fronte á barbarie colonial e a limpeza étnica que no nome do “mundo occidental” fai Israel. Fágovos unha confesión: Safa é o culpable da miña conversión palestina.

Rosa_Magali_Safa_BugalloDe Magali hai que dicir que vén de vivir tres anos en Palestina, e polo tanto, coñece perfectamente e de primeira man a política de humillación e de limpeza étnica que Israel practica coas xentes palestinas. Espero que canto en novembro a exposición veña a Ferrol, tamén nos sirva para que ela veña, entre outras cousas por aquel documental onde vese como unha familia palestina vai vendo tapiada as ventás da súa casa pola construción do Muro fascista.

Non coñecía de preto a Bugallo, recoñezo que me sorprendeu positivamente. Unha vez que remata o acto oficial xa non hai posible asesor que oriente ao político. Senón tes peso específico, na distancia curta acabas por perder. Compostela acerta con el.

E para finalizar, agradezo a Enrique Castro a súa visita á exposición. Mágoa que desta vez non puidera estar con nós o amigo Jordi Pedret. Pero, que saiba este último que nos debe unha cea.

Creo que esta exposición, que tanto traballo dounos, saíu ben.