Arquivo da categoría: Diario de Ferrol

PCE-PSP?

Poblicado o por
Resposta

SCarrillo-ETiernoGalván

Santiago Carrillo tivo unha gran vinculación con Ferrol e Fuco Buxán. Ser un dos fundadores desta asociación permitiume ter contacto directo con el. Vén de editarse o seu derradeiro libro “Mi testamento político” (Galaxia Gutenberg 2012), eu tiven que abrir o libro pola parte dedicada á súa relación co profesor Enrique Tierno Galván.

Soará a inmodestia, pero vin reflectida unha conversa nosa. Hai tempo, pregunteille por unha hipotética fusión PCE-PSP. Díxome que el desbotara a proposta de Tierno Galván dunha coalición. Que o seu erro foi non ver que Tierno podía ser alcalde de Madrid. O certo era que o PCE eurocomunista e o PSP marxista, eran partidos fronteira.

Di Tierno Galván en “Cabos Sueltos” que o Eurocomunismo era unha especie de “socialismo de reserva, que sustitúe en moitos sitios, lentamente, as posicións cós socialistas antaño tiñan”.

Enlace web a Letras de Cambio (Diario de Ferrol)

Piratas

Poblicado o por
Resposta

A dereita sabía que as súas medidas económicas ían provocar esta recesión aguda. Buscaban só amolar á poboación e un instrumento para a dominación. Trasladaron ese esquema ao conxunto do país e das institucións.

Unha proba a temos en Ferrol. A herdanza recibida polo alcalde Rey Varela foi a dun concello solvente, pero seguiron directrices. Os cartos municipais paralizados e un plan oportunista de axuste que implica desmantelar servizos públicos, padroados municipais e o Imfacofe.

Os orzamentos do 2013 responden a ese criterio ideolóxico. Os socialistas debatendo dentro do seu grupo municipal e coa executiva local, responderon adecuadamente cun non rotundo. Quizais non esperabamos que dous días despois o PP se auto emendaría e piratearía as propostas dos socialistas. Ferrol ten unha alternativa de esquerdas e unha dereita que cada día está máis illada.

Enlace á columna “Letras de Cambio” no Diario de Ferrol.

San Pablo

Poblicado o por
Resposta

Este barrio ferrolán amosa como as esquerdas e a dereita entenden os dereitos dos cidadáns. Os socialistas investiron setecentos cincuenta mil euros para substituír a rede de saneamento, así como outro medio millón para construír o actual Centro Cívico e Social. Cal é a atención que o PP do alcalde Rey Varela préstalle a este barrio? Ningún.

Que están a facer co Campo de Tiro? Están á espera dunha nova burbulla inmobiliaria? Que están a facer para poñer a disposición das persoas máis necesitadas as oitenta vivendas sociais baleiras? Nada.

Unha das reclamacións dos veciños é un comedor social contra a crise. Pero, en palabras do concelleiro de facenda, o señor Alejandro Langtry nun pleno municipal, non é prioritario e non hai cartos para isto. Si, para a dereita a xente non é prioritaria. Esta é a diferenza abismal que teñen con respecto á esquerda.

Enlace ao Diario de Ferrol (Letras de Cambio).

Desencaixados

Poblicado o por
Resposta

https://i0.wp.com/2.bp.blogspot.com/_7emEBsVyxGg/SbGuemC09OI/AAAAAAAAEOw/3MS0zKlDLhI/s400/magazine_img_826_0.jpg

Hai máis de vintecinco anos elixín Caixa Galicia porque era banca pública, e a pesar dos defectos e interferencias, tiña como eixos de actuación a defensa dun territorio chamado Galicia e dun pobo traballador específico, os galegos.

Daquela xa falábase da xestión privada para dar un “mellor servizo” e garantir a súa “competitividade”. Vimos co paso do tempo como con ese criterio fomos perdendo algo que era patrimonio común noso. Foi a escusa para o pelotazo urbanístico e traspasar activos públicos ao privado. Roubáronnola.

Nas cousas importantes, e que condicionan a vida das persoas, non dá igual a xestión pública ou privada. O capital, a súa xestión e as súas prioridades non son cuestións inocuas. A xestión privada introduce un elemento contra as persoas: a existencia dun lucro que converte os dereitos dos cidadáns en mercancía; hipotecándonos.

Enlace ao Diario de Ferrol (columna Letras de Cambio).

Destrutores

Poblicado o por
Resposta

O PP está facendo números. Nas masivas mobilizacións do 14N, unha parte dos manifestantes tiñan que ser ex votantes deles, para poder cadrar as contas.

Preocúpalles que a xente empece a entender que ser de dereitas é un lastre, en xeito de recesión, de paro, de privatización da sanidade e do ensino, de desafiuzamentos. Gobernan, non por méritos propios, senón pola incompetencia da esquerda. Botarlle a culpa a Zapatero xa non lles serve, porque son as políticas de Rajoy e Feijóo as que son sufridas.

A deslexitimación da política implica unha gran debilidade de quen goberna. Ademais, como vemos no Concello de Ferrol, a maioría absoluta non é sinónimo de boa xestión, nin de lealdade cos cidadáns. Se as institucións non representan verdadeiramente a soberanía popular, a lexítima rebelión exprésase nas rúas. Contra os destrutores da democracia.

Enlace a Diario de Ferrol (columna “Letras de Cambio“)