Arquivo por autores: Manuel Cendán

Descoñecido's avatar

Acerca de Manuel Cendán

"Un murmurio de palabras". https://manuelcendan.com

Israel

Poblicado o por
2

Supoño que a estas alturas todos consideramos ca retención dos soldados israelís por parte das milicias palestinas ou libanesas son unha mera desculpa para os gobernantes de Israel. Estamos, por se alguén ten algunha dúbida nunha guerra, que camuflada na “guerra total contra os terroristas” busca simplemente a supremacía do estado sionista sobre os seus veciños árabes.

Sigue a ser unha guerra de conquista, colonial. Un Gran Israel que intenta obrigar a unha nova traza territorial e política para todo o próximo e medio oriente, na liña do Gran Oriente ideado pola ultradereita americana, para mante-lo colonialismo e o control das grandes reservas de petróleo e gas.

O asunto é saber até cando aguantaremos os europeos que Israel e os EE.UU. sigan a incendia-lo noso “patio traseiro”. ¿Esperaremos a que esta mecha prendida chegue ao noso interior, ás nosas cidades? ¿Estamos dispostos a que a nova fase da loita pola descolonización do mundo árabe, á marxe da súa actual roupaxe fundamentalista, se libre na vella Europa?

Porque se os nosos concidadáns de orixe musulmán seguen marxinados da vida social, do emprego, da igualdade, e para máis inri aumentamos, aínda que sexa por pasividade ou complicidade, a humillación aos países dos seus avós. Se os nosos estados europeos non senten respecto polos seus pobos, se en vez de impulsa-la Alianza de Civilizacións seguimos con políticas coloniais, ¿cando tempo tardarán, moitos deses nosos compatriotas, en participar desde o noso corazón, desde os nosos barrios contra a impunidade israelí e os seus aliados e gobernantes nosos?

A Unión Europea debe poñer orden na súa casa e nas súas beiras, aínda que sexa por egoísmo propio. Hai que mandar tropas, pero non para facerlle o traballo sucio a Israel no Líbano, senón para protexer ás poboacións árabes dos ataques das tropas xudías; para recuperar as Institucións de Palestina e do Líbano; para levantar simplemente un futuro (con dignidade).

Non chega con neutralizar a Hizbolá e ás diversas milicias libanesas ou palestinas. Hai que ir á orixe do conflito: Obrigar a Israel a cumprir coas leis, as resolucións internacionais e os dereitos humanos, a que volva ás fronteiras legalizadas pola ONU, de 1947. Obrigarlle a liberar aos presos políticos, ás mulleres e menores palestinos retidos extraxudicialmente. A respectar, de verdade, a existencia dun Estado Palestino independente. Sen isto, todo o demais é perde-lo tempo.

Quen ninguén pretenda equiparar os dous bandos en conflito. Os argumentos de Israel e os seus amigos son de mal pagador. Cando mencionan o que acontece nas súas cidades, rexeitando claramente estes métodos, hai que ter claro que isto é consecuencia da política de Israel. Non se poden igualar aos verdugos coas vítimas, aínda que unha parte delas utilicen a violencia, nunca equiparable á do todopoderoso exército de Israel.

Recoñezo que “sufro de palestinidade”. Que non son neutral. ¿Como ser neutral ante la barbarie e o xenocidio? ¿Como ser neutral nun mundo globalizado onde todos participamos ou padecemos as políticas inhumanas? ¿Como ser neutral ante sesenta anos de terra prometida e persoas humilladas, queimadas, aniquiladas, expulsadas? ¿Como ser neutral á reedición no Muro de Israel dos campos de concentración? ¿Como ser neutral…?

Unha pregunta final aos cidadáns de Israel: ¿Morreron os xudeus nos campos nazis para que os seus netos reeditaran a barbarie nos pobos árabes? Vergonza.

En calquera caso, Europa xa non está en débeda con eles… e si cos pobos árabes.

En español
Na Rede de Blogs Socialistas
En Palestine Coffee Shope
En el Diario de Carol (Chile)
Máis artigos
Campaña contra a guerra dos socialistas de Ferrolterra
Campaña de Amnistía Internacional

Comunicado da Rede de Blogs Socialistas

Poblicado o por
Resposta

Recentemente tivemos coñecemento que un sitio na web denominado “Red Anti-PP” (http://www.anti-pp.com/) enlazou entre outros blogs, a este Portal. Sen ter coñecemento desde Red de Blogs Socialistas deste feito, nin habernos solicitado permiso previo para elo. Por este motivo, os abaixo firmantes, queremos facer pública a seguinte declaración:

1. As Redes de Blogs en xeral, e as de carácter político en particular, intentan agrupar a autores e autoras de blogs, co obxecto de darse a coñecer, e ao mesmo tempo, as Redes de Blogs serven como polos de atracción da comunidade internauta, entre outras funcións.

2. A ética blog, esixe, que para formar parte dunha Rede de Blogs, dita incorporación sexa coñecida e admitida libremente polo autor u autora do blog.

3. Os socialistas, por definición somos demócratas. Polo tanto, calquera Rede que sexa “ANTI” calquer Partido Político, democraticamente constituido, incluso discrepante coa nosa liña política e ideolóxica, non é unha Rede que consideremos democrática.

4. Rede de Blogs Socialistas non é unha Rede Anti Partido Popular. Rede de Blogs Socialistas é respectuosa e corresponsable co ordenamiento democrático e constitucional do noso país.

5. Internet é un espazo de libre pensamento, pero tamén de tolerancia. Por elo non compartimos que se utilice o prefixo “ANTI”, para definir un espazo en contra dunha organización legalmente constituida, aínda que non compartamos a súa liña política nin estratéxica.

6. Esiximos aos administradores desta suposta Rede, retiren de forma inmediata o enlace co noso Portal. E esperamos que na blogosfera se respecten os ámbitos de liberdade de expresión, autenticidade e por suposto de agregación nos mesmos.

Ver sinaturas

Agresión ao Pobo Palestino

Poblicado o por
1

As autoridades de Israel aproveitan a covardía europea e a complicidade dos Estados Unidos para agredir, unha vez máis, á poboación palestina.

Esta vez, a desculpa é a captura dun soldado israelí que desde un tanque atacaba á poboación civil.

Desde a visión eurocentrista con moito relaxo chamamos terrorismo ás accións dos diversos grupos armados palestinos e ás accións das forzas de ocupación de Israel, a catalogamos de “lexítima defensa”. ¿Son terroristas os xudeus que no gueto de Varsovia, os partisanos iugoslavos, ou os españois en Francia, que se enfrontaron ás tropas nazis de ocupación?

Estou seguro que se os xudeus exterminados nos campos de concentración durante a Segunda Guerra Mundial levantaran a cabeza, sentirían vergonza do que os seus netos están a facerlle á poboación palestina.

Vai sendo hora de que Nación Unidas poña tropas internacionais, que protexan á poboación palestina dos ataques de Israel, obrigándoa a respecta-las leis internacionais e as fronteiras de 1967; e así mesmo, permitan a reorganización das institucións palestinas e a creación dunha policía única e eficaz que substitúa ás diversas milicias dos partidos palestinos.

O problema non é Hamas. Democraticamente chegaron ao goberno, haino que respectar. Hamas é a consecuencia da política fascista de Israel, da complicidade americana e da covardía europea. Paz, pan, xustiza, dignidade e liberdade son as recetas para acabar co conflicto.

O acontecido en Palestina nestes últimos sesenta anos é un auténtico xenocidio similar ao que pasou na antiga Iugoslavia, so que aquí non se coñecen casos de violación colectivas e masivas de nenas e mulleres palestinas. ¿Cal é o a diferenza entre Milosevic e as autoridades de Israel?

¿Durante canto tempo máis a Unión Europea vai a ser covarde, a permitir que no noso corazón estoupe a destrución dos dereitos humanos? ¿Durante canto tempo máis imos tolerar a construción dese Muro que converte Palestina no maior campo de concentración da humanidade?

Palestina ten dereito a existir. Solidariedade co pobo palestino.

Outros artigos meus relacionados:
Agresión a los pueblos palestino y libanés (en español, 16/07/2006)

“Palestina”, publicado en Diario de Ferrol (2003)

“Palestina, a terra prometida”, publicado en Razón Socialista nº 18 (2004)

Algunhas referencias:

Publicado por Jordi Pedret: “Gaza”

De Paco Arnau:
Sobre a remodelación americana do próximo oriente

De Iván Puentes:
Os plans de EEUU para Oriente Medio

Martes 27 de xuño: Ferrol pide amparo ao Parlamento español

Poblicado o por
Resposta

O próximo martes 27 estaremos en Madrid un nutrido grupo de ferroláns co <a href=”http://comitecidadan.bitacoras.com&#8221; target=”_blank”>Comité Cidadán de Emerxencia para a Ría de Ferro</a>l, plataforma que agrupa a máis de medio centenar de entidades locais, entre elas varias Agrupacións Municipais socialistas.

Seguimos pedindo ca planta de gas que Reganosa, que de forma ilegal e irresponsable, está a construír dentro da ría ferrolá, a traslade fóra. Estaremos ante o Ministerio de Industria, e posteriormente unha delegación será recibida por Llamazares, voceiro de IU, no propio Parlamento español.

As directivas europeas (Seveso II, Raminp) obriga ás instalacións altamente perigosas a situarse, alomenos, a dous quilómetros dos núcleos de poboación. A planta de gas que está a construír Reganosa dentro da ría, incumpre claramente estas directivas, e nin sequera ten feita a Declaración de Impacto Ambiental, como así llo esixe o Tribunal Superior de Xustiza de Galicia, co 23 de xuño de 2004 anulou a tramitación ambiental desta empresa.

Reganosa está a oitocentos metros, na outra beira da ría, da cidade de Ferrol, así como do estaleiro militar de Navantia e da base naval da OTAN. Cuarenta mil cidadáns viven dentro do radio de dous quilómetros da futura planta de gas.

En caso dun hipotético accidente ou atentado, con marea baixa, os metaneros non poderían saír a mar aberto, como esixe a normativa de seguridade.

En abril de 2004 entregouse un dossier en Ferrol aos representantes do PSOE, BNG e EU – IU, para co trasladaran aos seus respectivos grupos parlamentarios.
Tras a sentenza do TSXG de xuño de 2005, que anula o expediente de Reganosa, soamente IU pediu ao Goberno de España a paralización das obras. Desde aquela os Ministerios implicados (Industria e Medio Ambente), deixan consumar a construción da planta de gas de Reganosa, escudándose en que a sentenza está recorrida pola empresa e a Xunta de Galicia.

Estaremos en Madrid, para aportarlle ao Goberno e aos diversos grupos parlamentarios, máis documentación e fotos, que amosan claramente, que de funcionar Reganosa sería un perigo para as persoas, a seguridade enerxética e para a seguridade nacional. Estamos a tempo de evitar futuros e posibles incidentes, que de suceder serían a maior catástrofe humanitaria coñecida en España.

Non podo entender que de xeito acrítico se asuma a política clientelar da anterior Xunta de Manuel Fraga, poñendo en risco a vida na ría de Ferrol. Dunha Xunta do PP que publicou que había que sacrificar unha das rías galegas para a especulación, e tocáballe a Ferrol.

E non me deixa de sorprender cos tres deputados (PSOE, PP, BNG) desta comarca no Parlamento español, non se sintan condicionados polas esixencias dos cidadáns, e si polos intereses económicos de empresas que nestes tempos con proxectos como o de Reganosa, dentro da ría ferrolá, soamente son unha mostra da renuncia dos poderes públicos en favor dun capitalismo decimonónico que lle dá igual os perigos, os custes humanos e o desenvolvimento sostible.

Como cidadán ferrolán teño que agradecer a Llamazares e o Grupo parlamentario de IU, a súa preocupación polas ameazas da planta de gas de Reganosa á cidade e á ría de Ferrol.

Mais, sería oportuno co Parlamento español acolla as inquedanzas da poboación e o Goberno presidido polo compañeiro J.L. R. Zapatero paralice a construción da planta de gas no interior da ría.

É de sentido común. É necesario.

En español
Na rede de Blogs Socialistas