Alcaldables

A metade do mandato chegou e comezan a aparecer as primeiras enquisas, que xa están a condicionar a política local. A verdade que sabemos aquelo que todos intuíamos: a data de hoxe, Ángel Mato ten máis posibilidades que ningún outro de seguir sendo alcalde. Pero, aínda hai xogo no campo.

José Manuel Rey está de sorte porque ten opcións e, iso, vaille traer os mimos do PP galego e do presidente da Xunta Alberto Núñez Feijóo. Pero, depende en grande medida da capacidade de colaboración na esquerda ferrolá.

Os socialistas teñen que implementar o cumprimento do seu programa electoral, erro sería adoptar unha actitude conservadora, pese á complicada situación na Corporación de Ferrol cun goberno en minoría. En FeC necesitan reformular a súa estratexia e no BNG un pouco máis de ambición e, ambos os dous, asumir que non son a alternativa. É todos darse conta de que a cidadanía reclama sumas e acordos.

https://www.diariodeferrol.com/texto-diario/mostrar/2928239/alcaldables

A enquisa do CIS

Para unha vez que quérenme facer unha enquisa do CIS quedei coas ganas. A entrevistadora buscaba un elector varón duns vinte e cinco anos, e hai tempo que ese perfil quedoume un chisquiño, pero só un chisquiño lonxe. Quedei coas ganas de saber cómo lle fóra o día e a cantas persoas visitara, cómo se distribuía a xente por idades e sexos, cómo ían os desencontros das e dos ferroláns cos seus partidos de referencia.

Porque estarán conformes comigo que, tal e cómo se anuncian, as próximas municipais de maio de 2019 van a estar moi concorridas. Non che sei se haberá papel para tanta candidatura. A saber, pola dereita: PP, Cidadáns, Coalición de Centro Democrático, Vox, Jubilados e Sentimento Ferrolán. Pola esquerda: Partido Socialista, FeC, Compromiso, Actúa, Marea de Ferrol e BNG. Seguro que me queda algunha sigla polo camiño. Eso si, maioría absoluta eu non a vexo por ningures.

https://www.diariodeferrol.com/opinion/manuel-cedan/a-enquisa-do-cis/20181011001331239178.html

O Purgatorio

Poña vostede unha enquisa electoral e terá ás e aos políticos ferroláns purgando as súas culpas pasadas, presentes e futuras. Agora ben, pouca xente utiliza os datos demoscópicos para facer autocrítica. É evidente que a Rey Varela vaille ben porque aínda non acusa o problema da súa propia marca política, e que para Ferrol en Común o pacto da oposición, quedándose as dedicacións exclusivas do grupo de goberno, resultou ser un gran favor cun alto rédito político.

Veremos como resulta iso de marchar, pero non marchar e andar buscando a un terceiro que sexa dócil. Esas cousas sempre saen mal. Se marchas, marchas. Tamén veremos esas “novas” opcións, á dereita e á esquerda, o que suman ou restan, porque por poucos votos poden cambiar unha maioría de goberno. E para que non nos ataque o aburrimento, aí a sentenza xudicial do saneamento deste días… todos sabían, pero ninguén dixo nada cando tocaba.

https://www.diariodeferrol.com/opinion/manuel-cedan/mocion-censura-razons-tacticas/20180531004341227366.html

Sopapo

Dous instrumentos das eleccións xerais foron as enquisas e o “sorpasso”, que acabou en “sopapo”. Vanme dicir que vexo o mundo coas miñas gafas, pero non me creo as excusas das empresas demoscópicas. Non erraron, senón que participaron da estratexia para crear un ambiente determinado, para así axudar a Pablo Manuel e a Bescansa na súa teima de liquidar á esquerda. Pero as armas as carga o demo, as empresas van ter que facer moito para recuperar un mínimo de credibilidade para o futuro.

Tamén vimos como co sorpasso quén se beneficia é Rajoy, o mesmo que cando Anguita. O sorpasso non é máis que unha proposta de cohabitación coa dereita para simplemente cambiar de interlocutores, sen cambiar as políticas de fondo. Pero as cousas entán onde as e os electores queren. Podemos e as súas sucursais axustaranse as contas. No PSOE necesitan unha refundación sen baronías, no ámbito ferrolá vaille mellor cando non interfiren desde o municipal.

http://www.diariodeferrol.com/opinion/manuel-cendan/sopapo/20160630010113158912.html

http://resultados2016.infoelecciones.es/99CO/DCO1115903699.htm?d=631&lang=gl&e=0

http://resultados2016.infoelecciones.es/99SE/DSE11999CM.htm?lang=gl