¡Pola readmisión inmediata do ferrolán Ánxel Malde!

Chegoume a través dun traballador de Navantia Ferrol o que está a acontecer cun xoven ferrolán, que coñezo desde que este era un neno, e que emigrou hai un tempo a Tarragona.

Dínme que no pasado mes de xaneiro, a empresa Emte Service, auxiliar do sector da petroquímica tarraconense, despideu arbitrariamente a este xoven traballador, alegando “unha inasistencia ao posto de traballo”, sendo a auténtica razón que Ánxel é un traballador molesto para a empresa, polas súas protestas constantes e a denuncia xudicial que presentou contra da empresa por prestamismo laboral.

Anxel é un exemplo máis dos abusos, da precariedade á que están sometidos miles de traballadores subcontratados, que operan para as compañías principais como un obreiro máis, pero cuns dereitos e unhas condiciones de trabajo moi inferiores. Así mesmo é un exemplo da necesidade de agrupar a todos os traballadores para loitar contra a precariedade laboral e os abusos patronais.

Tamén podedes expresala vosa solidariedade con Ánxel Malde

Os propietarios dos trinta e seis pisos, que no barrio de Caranza, na cidade de Ferrol, se viron afectados pola tormenta tropical “Gordon” decidiron ir pola vía penal contra a construtora e os promotores da cooperativa de vivendas. ACS, foi quen levou adiante as obras de construción baixo o patrocinio de Vitra – GPS (Vivendas para traballadores, de CCOO). Cando aínda non foron avaliados todos os danos ocasionados polo “Gordon”, quedan os coches e as vivendas veciñas, os cooperativistas falan xa de máis de setecentos mil euros, so na parte que lles corresponde a eles. 

Quedaron sen tellado, a auga anegou todos os edificios, afectando aos ascensores, as paredes, ao sistema eléctrico, aos garaxes… e para máis inri, ninguén queríase facer cargo. Lamento a situación destas persoas. Son traballadores e non merecen que as súas inversións e desexos dunha vivenda digna se vexan truncadas. Pero, tamén lamento a actitude dos promotores. Eles tiñan que ter unha actitude moito máis acorde coas siglas históricas que representan. 

Hai que facer unha reflexión no conxunto do movemento sindical, de por qué iniciativas que son boas para o conxunto dos traballadores quedan escaralladas deste xeito. O sindicalismo de renuncia dun modelo solidario a favor da asunción dos parámetros da “liberdade de mercado”, están no fondo desta pésima xestión. Cando se utilizan os mesmos parámetros cas propias empresas acaban sucedendo cousas como estas.

O acontecido amosa un deterioro da práctica sindical que debilita as posicións dos traballadores. Afecta ademais ao conxunto dos sindicatos, que hoxe en día teñen, basicamente, os mesmos plantexamentos e xeitos de actuar. Quen ninguén tire a primeira pedra, porque lla poderían devolver acrecentada.

Unha volta ás orixes, de traballo por e para os traballadores, debera facilitar outro sindicalismo que é posible.