Arquivo por etiquetas: podemos

Empresas

Poblicado o por
Resposta

Antonte a dereita económica facía un último intento de salvar as políticas de Mariano Rajoy e do PP, a través da declaración da Cámara de Comercio de España que representa a unhas tres millóns de empresas. Pedían polo “ben común” un gran acordo a tres para que nada mude. Non escapa que o fagan o día antes de presentarse o acordo do PSOE con Albert Rivera, e á espera de máis acordos coas forzas de esquerdas.

Este primeiro acordo de Sánchez lévase por diante a reforma laboral do PP, anula o delito de coacción nas folgas, trae un plan da inspección de traballo contra a explotación e a precariedade laboral e un novo Estatuto dos Traballadores. Tampoco hai que esquecer o plan anti corrupción na política, e polo tanto, tamén nas empresas. Como se ve aquí ninguén fala inocentemente. Falta ver o que sume a negociación do PSOE coas “Mareas” e un Podemos atrapado no labirinto de Pablo Manuel.

http://www.diariodeferrol.com/opinion/manuel-cendan/empresas/20160225000758147266.html

Miscelánea

Poblicado o por
Resposta

O tempo dirá se, a asemblea de onte, é a máis importante das últimas décadas para os traballadores de Megasa. Acontece isto por un exemplo claro de como o dereito de propiedade -que sempre debe estar supeditado ao interese xeral- vulnera os dereitos laborais. Como diría Bensaïd a propiedade duns poucos é a desposesión dos demais.

O PSOE ten unha oportunidade en Podemos, se aparta a quen o ata ao pasado inmediato da crise. Estou cos socialistas gregos integrados en Syriza e porque cambiemos o mundo de base. O camiño das esquerdas está na súa unidade, programa e hexemonía.

Engado á miña biblioteca o “Alabardas” de Saramago. A novela que el non puido rematar. Isto déixanos a posibilidade de ir quizais polos mesmos camiños do portugués. Ser o Artur Paz Semedo que busca a verdade da fábrica de armamento e das súas reflexións sobre o lado escuro da política.

Enlace web a Diario de Ferrol.