De pastoreo bancario

A venda do Popular -por un ridículo euro- ao Santander amosa claramente que segue a crise e que, tanto as autoridades europeas como españolas, do mesmo xeito que a Xunta de Galicia, renuncian a intervir e a regular a economía, a non ser como fieis servidores dos que fan os grandes negocios bancarios. De feito o último informe do Banco de España (intentando sacudirse as súas responsabilidades nesta desfeita) é outro desatino máis.

A novidade é que a absorción polo Santander vai ir a costa dos pequenos accionistas e acreedores. Pero, para que están as Institucións referidas? Quen permiteu co Popular -con activos tóxicos- absorvera ao Banco Pastor? Como se pode asumir que o Banco de España diga que o Estado non vai recuperar nada do desviado para salvar á banca, ou que se anuncie que Bankia vai ser privatizada para que algúns sigan a facer caixa? E a Xustiza cando vai intervir?

http://www.diariodeferrol.com/opinion/manuel-cedan/de-pastoreo-bancario/20170621222503193774.html

A manifesta incapacidade de Fernández Ordóñez

Acaba o Gobernador do Banco de España de pasar pola Comisión de Orzamentos do Congreso dos Deputados, e segue a pedir reformas laborais, baixada de salarios e máis subempregos para os traballadores, desregulamentos e traspaso de rendas do traballo a rendas do capital. Defende que a crise a paguemos, en exclusiva, as clases populares.

Mágoa que o Sr. Fernández Ordóñez non afirmara que a crise das Caixas de Aforros vén dada precisamente polos métodos privados de xestión. Que non afirmara a necesidade dunha forte banca pública ao servizo de políticas expansivas, que reparen as feridas económicas produto da voracidade dunha clase empresarial especuladora.

O Gobernador tamén esqueceu falar da necesidade que ten a nosa economía dun forte sector enerxético, que só sería posible coa re – nacionalización das grandes corporacións, e que están formando un oligopolio, deixando indefensos aos consumidores fronte aos seus abusos.

Por non falar da necesaria reforma nas estruturas das empresas. Acaso non é unha medida de eficiencia económica, de antídoto contra a deslocalización, de saúde democrática, a participación dos traballadores na propia xestión nas medias e grandes empresas?

Ler artigo completo en Vieiros

En Español (Socialdemocracia.org)