GALICIA: TERRA DE ACOLLIDA

Nas vésperas do Día Internacional polos Dereitos dos Inmigrantes chegaron a Galicia o primeiro grupo de menores subsaharianos procedentes das Canarias, baixo a tutela da Xunta de Galicia. Fronte ao sensacionalismo, que fomenta o racismo e a xenofobia, debéramos deternos a pensar por qué uns menores deciden arriscala vida cruzando nun caiuco o Atlántico. Por qué, moitos deles, veñen despois dunha decisión colectiva tomada no seno das súas propias familias.

Aínda que sexa moi televisiva a entrada destes inmigrantes nas Canarias, hai que salientar co maior grupo de inmigración clandestina vén de Francia, ou vía aérea. En calquera caso, estamos a asistir a un desprazamento poboacional no mundo, que a diferenza das migracións anteriores, estes veñen si a traballar e, tamén a quedarse.

Pero, ¿por que é o “efecto chamada”? Deciden vir ante a caótica situación política e socio – económica dos seus países de orixe, producidas polas políticas exportadas por Europa e os EEUU, que baixo a doutrina do Banco Mundial, da OMC e o FMI expulsa ás xentes aos niveis de máxima pobreza. A globalización e os intereses das grandes empresas supón unha forma nova de neocolonialismo que destrúe as súas sociedades.

MigrantesAdemais, coñecen o noso nivel de vida, e os comparan. Saben do crecemento económico español das últimas décadas. Hai, tamén un 22% economía somerxida, que demanda traballadores clandestinos, sen dereitos e mal pagados. Por iso, resulta perversas as intencións dunha parte da dereita e os seus “intelectuais orgánicos”, de pretender enfrontar aos inmigrantes cos traballadores do país. A presenza dos primeiros nos empregos peores e mal remunerados non baixan os salarios, nin sequera compiten, agás cos sectores sen formación básica e cos salarios máis baixos. O certo é ca inmigración e o crecemento económico, en España evolucionan ao mesmo tempo. E nunha situación de desaceleración da economía son precisamente os inmigrantes os máis vulnerables á perda do emprego, sen prestacións sociais, sen redes de protección social ou familiares consolidadas.

Fronte a estes intentos, que fomentan o racismo e a xenofobia é necesario fortalecer o modelo social europeo e o estado de benestar. Facilitar ao conxunto da poboación o acceso á educación, a sanidade, o emprego estable, e a vivenda. Recoñecer a todas as persoas que vivan no mesmo territorio iguais dereitos e deberes, incluído o dereito ao voto.

Os inmigrantes son persoas que teñen e deben ter recoñecidos os seus dereitos. O problema non son as persoas indocumentadas, senón a súa situación de marxinación. É a desigualdade a que xenera o conflito social. A inmigración é unha oportunidade que mellora a nosa sociedade, a rexuvenece, fainos máis competitivos no mundo global e suma os seus valores culturais aos nosos. A sociedade mestiza é máis rica.

Pero, tamén é certo que hai necesidade de unificar as políticas migratorias na UE, pero esta debe respectalos dereitos das persoas á súa dignidade e a elixir o seu proxecto de vida.

Fronte aos intentos de menosprezar ás persoas, é necesario visualizala inmigración en positivo. Por iso é tan importante o papel que están a desenvolver as súas propias asociacións. As administracións, en primeiro lugar as máis próximas aos cidadáns, como son os concellos, deberan apostar claramente por desenvolver políticas que faciliten a integración e o coñecemento mutuo. Non podemos vivir en camiños que aínda que paralelos, non se mesturan.

Desde os propios concellos deberan fomentala implicación do conxunto do movemento veciñal, cultural, sindical e dos propios inmigrantes, que permitiran implementar políticas sociais que garanta a todos os seus veciños, sen ningún tipo de discriminación, uns mínimos de vida. Trátase en definitiva de implicar á xente na vida dos seus barrios, e no coñecemento e respecto polo outro/a.

En calquera caso, acabo co obxectivo inicial deste artigo. Darlle os parabéns á Xunta de Galicia por esta acollida, e a benvida a estes mozos que obviamente viven a que, sen dúbida, será a experiencia máis dura da súa vida.
(Publicado o 18 de outubro de 2006 no Diario de Ferrol)

(Publicado no nº 21 de Razón Socialista e presentado en decembro de 2006)

En español

3 thoughts on “GALICIA: TERRA DE ACOLLIDA

  1. Boas,M. Cendan, gustoume a publicación,penso que todos debemos de ser conscientes das desigualdades sociales, que alguns temos a sorte de nacer nun determinado lugar e non nos damos conta do dificil que resulta sobrevivir noutros sitios, no privilexiados que somos, creemos que forman parte dos nosos dereitos, ainda que pensamos que non o son de todo o mundo.A xente que menos ten, parece mentira,é a mais solidaria, porque teñen os valores que outros xa perderon.Esperamos todos que esas axudas,politicas,sociais y personais axuden a resolver da mellor maneira posibel a inmigración, pero ante todo, comenzando por ser solidarios.Saudos

  2. Amigo Cendán:
    Completamente de acuerdo con tu análisis, que me parece no sólo magnífico, sino brillante.
    De acuerdo también con tu receta: hay que fortalecer el modelo social europeo y el el estado del bienestar, para todos los ciudadanos, sin distinción por razón de su lugar de origen.
    Aquí nos estamos jugando el modelo de sociedad para más de una generación, o contribuimos a construir una sociedad cohesionada y solidaria, o vamos a una sociedad escindida, enfrentada, dejada a pasto de los que quieran aprovecharse de los ciudadanos y obtener el mayor provecho económico posible.
    Un saludo y un fuerte abrazo,
    Jordi Pedret

  3. Agradezco vuestros comentarios, también el de Marga que lo hizo a través del correo.
    En cualquier caso, Jordi, no creo que sea brillante. En el mejor de los casos es capacidad de síntesis. Mis fuentes son la lectura de trabajos de las áreas de migraciones de UGT, CCOO (Fundación Sindical de Estudios) y la ONG de la que tú eres vicepresidente.
    Recomiendo la visita a estas entidades, y en el caso de ACSUR teneis un magnífico trabajo con mujeres ecuatorianas y colombianas, siendo una parte desarrollado en esta comarca de Ferrol.
    Por cierto, el informe español de Amnistía Internacional sobre el trato a migrantes indocumentados y lo acontecido, en especial, a las mujeres, donde están implicados agentes policiales nos debiera emplazar para una reflexión más profunda de que nos está pasando como sociedad democrática.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s