Este venres comeza en Ferrol, organizado pola Asociación Cultural Fuco Buxán a Homenaxe de Galicia a Isaac Díaz Pardo e Luis Seoane.

Conta esta homenaxe coa colaboración das Consellerías de Cultura, Economía, Presidencia e Política Territorial. Así como, dos Concellos de Ourense, Narón, Santiago, Lugo, Pontedeume, A Capela, Fene, Valdoviño, Mugardos, Neda, Verín, Cariño, Oleiros e as concellerías de cultura de Ferrol e A Coruña. Tamén colaboran Caixanova, Caixa Galicia, Autoridade Portuaria Ferrol – S. Cibrao, Igape, Fimo e a Cofraría de Pescadores e Mariscadores de Ferrol.

Os actos programados, no mes de Febreiro, por Fuco Buxán son:

8 de febreiro: inaguración dunha Exposición Antolóxica no Centro cultural Torrente Ballester, ás 20.30 horas. Na que se recolle a rica traxectoria vital de Díaz Pardo, xunto a Luis Seoane, no Laboratorio de Formas.

9 de febreiro: Mesa Redonda. Na sede da Fundación Caixa Galicia en Ferrol, 20 horas. Coas intervencións de Xosé Luis Axeitos (coordinador), Manuel Aznar Soler, Xosé Neira Vilas e Camilo Díaz.

23 de febreiro: Mesa Redonda, sede da Fundación Caixa Galicia, en Ferrol, 20 h. Coas intervencións de Euloxio Ruibal (coordinador), Fermín Bouza, Andrés Varela e Fernando Salgado.

Os actos programados, no mes de Marzo, por Fuco Buxán son:

2 de marzo: Acto Central de Homenaxe a Isaac Díaz Pardo, no Teatro Jofre de Ferrol, a partir das 19.30 horas.

Coas intervencións dos poetas: Salvador García – Bodano, Eva Veiga, Xosé Leira, Laura landeira, José Viale Moutinho e Rosa Méndez.

Actuación Musical de Milladoiro.

A continuación celebrarase unha cea. Podedes ver máis información na páxina de Fuco Buxán.

8 de marzo: Clausura da Exposición Antolóxica no Centro Cultural Torrente Ballester.

Sobran argumentos para o por qué desta Homenaxe a Isaac Díaz Pardo.